^

Banat Opinyon

Makalilisang nga politiko

BALITAHOM - Atty. Jose Marie N. Poblete - Banat

Mihangyo si Presidente Duterte sa tanan’g kandidato nga maningkamot alang sa”limpyo ug matinud-anon” nga eleksiyon kay dakô kini’ng insulto sa katawhan kon mapakyas kita niini.  Makahuloganon ang maong hangyo. Apan kulî mahitabo ang limpyo nga eleksyon.  Hugaw ang sistema sa kampanya tungod sa vote-buying ug sa pagnilabayay’g isyu inay pagpadayag og plataproma. Hugaw usab ang palibot atol ug human sa eleksyon tungod sa basura gumikan sa campaign materials.  Mahitungod sa matinud-anon’g eleksyon, ginaingon nga walay politiko nga hinlô kon hisgutan ang taktika unsaon pagbahin-bahin sa katawhan.  Angay tamdan ang panahom nga “Makalilisang ang politiko nga magpapili ug mapili pinaagi sa pagsabong sa katawhan”.  Isip-isip!

Ma-promote ang magsumay-sumay

Matud ni DOH Secretary Duque adunay posibilidad nga ma-oktaba ang eleksyon kon adunay pagsaka sa kaso sa COVID-19.  Lutaw ang pagka-“eager-beaver” ni Secreatry Duque ni’ng iyang pagsawsaw sa hisgutanan nga iya sa COMELEC. Sa paningkamot sa Presidente nga mahinayon gayod ang eleksyon, mora’g sintonado ang pamahayag sa kalihim.  Dili angay pasidunggan ang mga tawo’ng “eager-beaver” kay sila ang hinungdan nga mahugno ang gambalay sa kabulahanan.  Ang nakaparat kay niining atong katilingban, ang mga “eager-beaver”, kadtong way mga orihinal nga ideya ug magsumay-sumay lang sa iyang agalon, mao hinoon ang kanunay matagad ug mosaka ang ranggo.  Pagkatoytoy!

Taktika sa pagbahin-bahin

Usa ka understatement ang pag-ingon nga nahimong hinungdan sa pagkabahin-bahin sa katawhan kining umaabot nga eleksyon.  Bisan gani ang mga artista, wala man maka-eskapo sa mga pagbinatohay’g lapok nga nahitabo sa politikanhong bantawan.   Angayan magmatngon ang katawhan sa matang sa kampanya sa mga politiko labi na kon makahimo kini’g malungtaron nga pagkabahin-bahin.  Ang pagkabahin-bahin sa tawo maayo’ng paagi sa pagdaug sa eleksyon; apan maayo usab kini nga paagi pagguba sa nasud.  Haum usahay ang pagya nga, “Ang politiko mao kadto’ng tawo nga moula sa IMO’NG kinabuhi alang sa IYA’NG nasud”.  Madahaaan!

Sugdi na’g pamugsay

Matud pa sa election watchdogs nga NAMFREL, AES Watch ug CenPEG, dili kasaligan ang automated system nga gamiton sa umaabot eleksyon kay wala kini masubay sa balaod labi na sa hisgutanan sa transparency sa pagprinta sa balota.  Dili tingale makatarunganon nga dauton ang tibook electoral process tungod lang kay adunay pipila nga wala matagbaw.  Mahimo man tingale nilang pugson ang COMELEC pagpakita’g sample sa balota aron matinô ang ka-lehitimo niini.  Ginaingon bayá nga “ang pagpunay’g reklamo makapa-ugtas sa atong kusog karon ug dili makasulbad sa mga suliran sa umaabot”.  Haum ang tambag nga “Kon walay hangin, sugdi na’g pamugsay”.  Fezteleern!

Pilde kay gitikasan

Mipasidaan ang COMELEC sa katawhan nga nagpakatap og mga storya nga naghatag ug buling sa integridad o kaligdong sa maong ahensya. Mahimo sa COMELEC ang pagpangayo ug tabang sa AFP aron sa pagdakop niadtong maghimo’g kagubot sa eleksyon.  Sagad linya sa mga pildihonon ang pagpangdaut sa COMELEC. Mora’g tinuod ang pagya nga “sa eleksyon, walay napilde, hinonoa, pulos gitikasan”. Saoonz!

RODRIGO DUTERTE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with