Dear Atty. Divine,
Mangayu ko og advice ug unsay angay nako nga buhaton kay nagkuha ko og copy sa akong birth certificate sa Philippine Statistics Authority kon PSA karong bag-o, ang akong first name nga Mario naa may sumpay nga Boy diay, apan ang akong gigamit sa tanan nakong mga ID ug school records Mario ra, but ang akong birth certificate ang nabutang Mario Boy man, gusto unta nako ipatangtang ang Boy. Unsaon man ni nako karon pagkurihir ang akong pangan sa birth certificate? Daghan salamat Attorney og more power!
Mario
* * *
Dear Mario,
Kinahanglan gyud nimong pakurihian ang imong first name sa imong Certificate of Live Birth pinaagi sa pagpatangtang sa Boy aron motakdo sa first name nga imong gigamit sa imong mga ID og school records. Hinuon kay first name ra man ang imong pakurihian, mamahimo ra kini nimong i-process sa Local Civil Registrar diin ka narehistro. Duna na silay list of requirements nga dapat nimong i-submit sa Civil Registrar ug kini naglakip sa imong mga dokumento nga mopamatuod sa first name nga imong gigamit sukad sa imong pagkabata sama sa mga school records, diploma, baptismal certificate, govt issued ID sama sa SSS, Philhealth, Pagibig og uban pa. Dunay sample sa Petition alang sa correction sa first name ang Civil Registrar ug mao lang kini imong sundon sa pag-file sa imong petition. Duna sab ni filing fee ug mo-require usab kini og publication. Mas maayo nga mobisita ka daan sa Local Civil Registrar ug mangutana ka sa proseso og sa gikinahanglang dokumento aron imong masugdan dayon ang pag-gather sa maong mga dokumento. Thank you and God Bless. — Atty. Divine
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.