Hugaw’ng rally

Nangalipay mga Leni supporter dihang mibaha ang lawod sa katawhan sa Emerald Avenue sa Pasig nga mitambong sa Leni-Kiko rally sa miaging Marso 20. Sa drone shot makita ang nagpunsisok bulok pink sa mga kawo, sinina ug flyers nga mitabon sa mga karsada ug mismo sa kinatibuk-ang espasyo libot sa entablado.

Sa Facebook ug YouTube, mapagarbohon kining gipakatap sa mga Pinklawans uban ang pagbutang og lainlaing caption: ‘Sea of pink in Emerald Avenue for Robredo’s Pasig Rally’, ‘A sea of pink greets VP Leni Robredo in Pasig City ug uban pa.

Matud pa, sa banabana sa ihap sa mga maki-Leni, moabot kuno ang gidaghanon sa nanambong og 137,000.

Wala sila masayod nga sa hilom, adunay mga diehard BBM-Sara supporters ang mituyo pag-adto sa maong dapit aron pagpaniid sa tinuorayng nahitabo sa tibuok palibot.

Ug mao kini ilang nakuha, base sa footage nga ilang gi-post sa social media:

a.) Adunay daghang dagkong bus nga gipapitlag Leni-Kiko posters nga maoy gisakyan sa gituohang mga gipanghakot nga pasahero para sa PasigLaban Leni-Kiko rally. Dili sila taga Pasig. Gikan sa nagkalainlaing dapit.

b.) May grupo sa mga estudyanteng tin-edyer nga miisa-isa sa ilang mga kinumong kamot dungan ang pagsinggit-abiba: “Leni! Kiko!” Ug may nadunggang tabi, nga wala kunoy klase ang maong mga estudyante inig ka ugma, Lunes. Hinuon, tabi ra!

c.) Human sa rally, nangreklamo ang mga lumolupyo sa maong dapit. Kay wala lang magbilin og daghang sagbot ang mga nanambong.

Giyatakyatakan-nangahapla pa gyod ang himsog-berde nilang mga tanom nga sa adlaw-adlaw ilang gialimahan.

Gi-congratulate sa mga edukadong BBM-Sara supporters ang Leni-Kiko organizers sa maong kalamposan, diin napangitaag paagi ang pagkab-ot sa maong gidaghanon nga miabot og 137,000 Pinklawan supporters kuno.  Paagi nga kulang sa kalimpiyo.

Kay matud pa sa usa ka ekspertong enhinyero, kinsa suheto sa maong dapit, nga bisag pun-on pa sa daghang tawo ang kinatibuk-an niini, maglisod makaabot og 50K. Sila mihangyo, nga unta dili lang pasobraan pag-ayo ang kuwentada.

Kay kini magbilin lang og hugaw’ng impresiyon sa hunahuna sa katawhan sama sa gibiling basura sa Pinklawans, kinsa mitambong sa Leni-Kiko rally.

Ang pagtug-an sa tinuod, makatabang sa kandidatura. Ang punay’g pamakak, makapabagsak! Ingat!