^

Banat Opinyon

Kamatuoran makapaga- wasnon

JAV BANATI - Javier Yntig Tapulado - Banat

Sugod sa miaging Domingo, Pebrero 27, gisugdan na pagbasa sa pari nga momisa ang Pastoral letter for May 9, 2022 election gikan sa Catholic Bishophs’ Conference of the Philippines (CBCP) nga pinirmahan ni CBCP president Kalookan Bishop Pablo Virgilio S. David, D.D. Ug ang maong sulat pagabasahon na pirme sa matag misa kada Domingo.

Ang unod sa sulat naghisgot og Martial Law, diktador, Edsa Revolution, fake news, kamatuoran ug kagawasan. Tipik sa maong sulat nag-ingon, nga ang tinuoray kunong kasaysayan nga nakab-ot tungod sa People Power Edsa Revolution nga gipangulohan ni anhing Cardinal Sin, gituis kuno pinaagi sa mga pekeng istorya gikan sa nagkalainlaing vloggers sa social media.

Dili mabasol ang simbahan kon ilang gidumtan ang Martial Law ug kadtong Ferdinand E. Marcos (FEM) nga ilang gibunyagan og diktador. Kay tinuoray baya, may mga komentarista, raliyesta ug aktibista nga gipangdakop-gipangbun-og. Usab may mga paring kalit lang nangahanaw ug walay makatug-an hain na sila?

Oo, tinuoray! Panahon sa rehimen ni Marcos adunay tikas, korapsiyon, inhustisya ug uban pang daotang buhat nga nahitabo. Pero sa iya ra bang administrasiyon kini nahitabo? Nahanaw ba kini human siya pulihi sa mga misunod nga presidente?

Paglingkod ni Cory Aquino sa Malakanyang, halos tanang mainstream media outlet, labi na ABS-CBN, midapig niya. Ang simbahan, eskuylahan, tighimog libro mao pod. Pulos mga maayong buhat ni Cory maoy giladlad-pasiatab kanunay. Samtang ang kinabuhi ni FEM, bisan patay na, gidaot taman sa ginhawa.

Nakalimot sila, nga bisan unsa ka salbahis ang tawo, dili tanan niyang nabuhat, daotan. May mga dalayegong agi usab kini nga napahimuslan sa katawhan. Ug nganong ang mga bating binuhatan ra man ang gisigehan nilag pagawas, samtang ang mga maayo gitagoan?

Dili ba, ang dili pagtug-an sa tanan, sama ra nga wala ikapagawas ang kamatuoran? Dili ba usa man kini ka matang sa pagpanglingla? Gusto man kaha kitag kamatuoran? Dapat, ipagawas ang tanang maot ug nindot nga binuhatan sa tawo.

Buwahan, makita kon asa ang mas daghan: ang maot ba, o nindot?

Sa pastoral letter, giklaro, nga diha lang sa pagsulti sa tinuod, nga mabatonan sa katawhan ang kagawasan. Kaanindot unta, kon sila, kaparian, unang mopakita sa pagsunod niining ilang giwali.

CBCP

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with