Enero 23, 2022: Ikatulong Domingo sulod sa tuig
Mga Pagbasa: Neh, 8:2-4a, 5-6, 8-10/Sal. 19/1 Cor. 12;12_30/Lk. 1;1-4;4_14-21
Kun ang usa ka tawo dihogan nagpasabot kini nga siya gigahin alang sa linaling katuyoan, kalihukan ug tawag.
Kini ang nahitabo usab kang Kristo Jesus. Siya gidihogan aron maoy mamahimong katumanan sa tanang mga panagna sa mga propeta, ingon man sa balaod. Mao nga siya nagkanyon: “Ang natuman na ingon sa inyong nadungog, nga gibasa!”
Ingon nga dinihogan, dunay kausaban nga mahitabo sa kinabuhi sa tawo. Kita panahon sa atong bunyag ang Dios nagdapit kanato diha sa pagkahimong:
-a. Pari diin ang atong mga pag-ampo ato mang gituboy ngadto sa Dios nga atong gisimba. Nag-ampo ta dili lang sa taong kaugalingong panginahanglan kondili atong gilakip ang katilingban diha sa atong pag-ampo.
-b. Propeta diha sa atong pagpakuyanap sa matuod ug tiunay nga impormasyon ug dili awng mga fake news. Apan duna pa ba kahay mapupo nato ning panahona karon?
-c. Hari diin nagpangalagad maoy katumanan sa atong harianong hiyas. Kini ang sanglitanan nga gipaktia ni Jesus nga atong gisunod.
Ang paghari sa Dios dili lang usa ka halayo ug anaa sa kapunaw punawan nga kamatuoran. Hagit kini nga angayang patalinghogan.
Usahay daghan kita og buot himoon apan ang kamatayon mismo mao man ang mopanton labina sa mga higayon nga nahimo mismo mao man ang mopanton labina sa mga higayon nga nahimo kitang nalumsan sa atong kaugalingong mga kapintas .
Ug kay dinihogan man angayan lamang nga kita mobarog niini.