Dear Atty. Divine,
Nagplano unta mi sa akong bana nga idonar ang among house and lot ngadto sa akong pag-umangkon nga bag- o lang naminyo.
Kining maong property adunay title ug nakapangan na namo. Unsay dokumento ang among ipahimo aron mabalhin ang maong property sa among pag-umangkon? Daghang Salamat.
Belen,
* * *
Dear Belen,
Basi sa Article 749 sa atong Civil Code, kun immovable property gani ang i-donate sama sa yuta, aron mamahimong valid ang pag-donate niini kinahanglan nga in writing ug notarized. Kinahanglan sab nga adunay acceptance sa imong gihatagan o donee. Busa ang dokumento nga imong ipahimo mao ang Deed of Donation. Kinahanglan nga ilatid sa Deed of Donation ang description sa property nga inyong ihatag.
Gawas sa pirma nimo ug sa imong bana, kinahanglan sab ang imong pag-umangkon nga mopirma sa dokumento isip acceptance. Kun ma-notarized na ang Deed of Donation, inyo kining i-submit sa BIR alang sa pagpa-compute ug pagbayad sa Donors Tax ug i-process ang pag-transfer sa tax declaration ug sa title niini. Thank you and God bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.