13th-month pay law
Dear Atty. Divine,
Ang akong igsuon nagtrabaho sa usa ka kompaniya sud na sa duha ka tuig. Last year, wa sila hatagi og 13th month pay kay matud pa sa company naglisud sila tungod sa pandemic. Karong tuiga, misulti na daan ang tag-iya nga di siya mohatag og 13th month pay kay exempted kuno siya sa balaod. Ang akong pangutana, dili diay obligado ang tanang employers mohatag og 13th month pay? Daghang Salamat.
Joshua
* * *
Dear Joshua,
Basi sa Presidential Decree (PD) 851 kon 13th -Month Pay law, ang mga employers obligado nga mohatag og 13th Month Pay sa ilang tanang empliyado regardless sa ilang status ug kinahanglan nga kini ihatag sa dili pa ang December 24. Apan ang Revised Guidelines on the Implementation of 13th-Month Pay law naglatid sa mga employers nga exempted niini nga naglakip sa gobiyerno ug ang iyang political subdivisions, mga employers nga human na mibayad og 13th month pay sa maong tuig kay naa may ubang kompaniya nga sa middle of the year nila ihatag ang 13th month pay, ang mga employers sad sa mga household helpers ug sa mga tawo nga naa sa personal service, mga employer niadtong mga trabahante nga gihatagan lang base sa commission, boundary o task basis ug kadtong mga trabahante nga gipakyaw lang or piece-rate basis di sila obligado nga mohatag og 13th month pay kanila. Kun wa maapil sa maong exemption ang kompaniya sa imong igsuon then obligado siya mohatag og 13th month pay. Mamahimo siyang moreklamo sa DOLE kun di gyud siya makadawat og 13th month pay before December 24. Thank you and God bless. — Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
