Dear Atty. Divine,
Duna koy na meet nga gi introduce ra sad sa akong amiga. Mature na siya, single ug dunay stable job. Busa dali ra kaayo ko niya na-convince nga magpakasal after few months sa among relasyon. Nagpa civil wedding dayon mi ug karon naa na mi usa ka anak. Samtang nagbuntis pa ko, nakabantay nako sa iyang kausaban, himamaye kaayo unya mahilig sa night life uban sa iyang mga barkada. At first, ako lang siya gisabot, but lately misamot na man gyud siya kayabag kay halos di na man mouli. Sige lang siya ingon nga mag-overtime. Apan diay nagsige og laag kauban sa iyang mga barkada ug usahay mouli og kadlawon na unya hubog. Gikapoy nako niya kay ako maoy na stress pag-ayo kay siya pay mangaway ini’g uli, perting isoga. I decided nga makigbuwag niya kay wa gyuy maayong future ang akong anak niya tungod sa iyang pagka irresponsible nga bana ug amahan. Gusto unta nako nga ipa annul ang among kaminyuon samtang usa pay among anak. Pwede ba nako kabasihan sa annulment ang iyang pagka irresponsible, palahubog, himamaye ug pagka barkadista? Daghang Salamat. — Jane,
* **
Dear Jane,
Kun imong ipa annul ang inyong kasal possible nga magamit nimong ground ang psychological incapacity sa imong bana. Magkinahanglan ka og psychologist nga maoy mo conduct og clinical assessment ug maoy mosuta kun psychologically incapacitated ba gyud ang imong bana, nganong irresponsible siya, nganong himamaye siya, nganong palahubog siya, nganong barkadista siya, ug mao nay sutaon sa psychologist ang personality disorder sa imong bana ug unsay hinungdan niining tanan. Basi sa Article 36 sa atong Family Code, ang psychological incapacity to be a valid ground for nullity of marriage, it must be characterized by (a) gravity, (b) juridical antecedence, and (c) incurability. Og kining tanan kinahanglan nga imong pamatud-an pinaagi sa pagpresentar og mga testigo sa korte nga maglakip kanimo ug sa psychologist ug uban pang mga witnesses. Ang Korte mo-decide na sa imong kaso depende sa imong ebidensya, busa mas maayo nga lig-on gyud ang imong proof nga psychologically incapacitated ang imong bana sa dili pa nimo i-file ang kaso sa korte. Way kasiguruhan nga ma annul ang inyong marriage kay kining tanan magdepende man sa pag appreciate sa korte sa imong mga ebidensya. Thank you and God bless. — Atty. Divine
Alang sa inyong pangutana pnalihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.