_banat
^

Banat Opinyon

Kinsay gidumog: Manny o money?

JAV BANATI - Javier Yntig Tapulado - Banat

Dako’g gasto ang tawong moapil sa bugno sa politika. Labi nag ang iyang daganan sa eleksiyon mao ang ang pagka-presidente sa nasud.

Tingale, bilyon ka pesos ang mahabwa gikan sa iyang panudlanan. Bugti, sa usa ka taas kaayong ambisyon ug pagtuo: Nga kon pabahaon niya ang daghang kuwarta, lumsan sab siya sa nagbahang botos sa katawhan.

Sa usa ka interbiyu, si Narvacan, Ilocos Sur Mayor Chavit Singson, kanhi suod higala ni Senador Manny Pacquiao, mitug-an. Gitambagan kuno niya si Manny nga dili una palansaron pagka-pangulo sa Pilipinas kay dili pa angay.

Unya, magastos pa kuno kaayo. Basig mahurot ang hinagoang salapi sa Pambansang Kamao tungod lang sa politika, diin delikadog mahibalik siya sa wala. Ug mahimong makaluluoy ang iyang pamilya.

Mipuno-pasabot si Chavit, nga kon mapilde si Manny sa eleksiyon, mabawi pa kaha niini ang tanang nagasto? Hinuon, kon maoy modaug, tingale makabawi, pero sa unsang pamaagi? Basig sa kuwestiyonableng paagi?

Apan wala maminaw si Manny ni Chavit. Kay alang niya, dili importante ang kuwarta. Kondili, ang pagpangalagad sa katilingban. Samot na, nga hugot siyang mituog ‘destiny’ nga giandam kuno sa Ginoo para kaniya.

Hinungdan, nga bisag linghod pa siya sa natad sa politika, milansar gyod si Manny pagka-presidente, gamit ang nahuptan niyang pagkapopular sa natad sa pamoksing ug sa napondar-tigom niyang salapi’g bahandi sulod sa tulo ka dekada niyang pagpakigkombati ibabaw sa ring.

Tungod sa sobrang kamanggihatagon ni Manny ngadto sa mga nanginahanglan, nahimo siyang ilado sa tibuok kalibotan. Sa dalan sa Las Vegas, may mga aninong nanglingkod daplin sa dalan nga iyang gitunolag dolyares. Sa hilom, may pobreng boksidor nga gihatagan niyag balay.

Busa, dili katingad-an! Kada higayong aduna siyay away sa Amerika, sulod ug gawas sa ring, gitapok-an siya sa iyang boxing fans, kinsa magdungan pagsiyagit-abiba: “Manny! Manny! Manny!”

Samot na, ning iyang pagdagan pagka-presidente sa Pilipinas alang sa 2022 national election. Kada lungsod o siyudad nga iyang adtoan, modumog gyod ang bagang duot sa katawhan.

Mga relief goods ug tag-P1,000 iyang gipangtunol ngadto sa kada tawong miduol kaniya. Ug samtang sila naglinya-punsisok, walay hunong pagsiyaok: “Manny! Manny! Manny!”

Si Manny gyod kaha ang ilang gidumog? Or, si money?

CHAVIT SINGSON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with