_banat
^

Banat Opinyon

EDITORYAL-Logbook sa malls

Ian B. Melecio - Banat
EDITORYAL-Logbook sa malls

Dunay mga report nga nadawat ang DILG bahin mahitungod sa ilegal nga paggamit sa personal nga impormasyon gikan sa mga contact tracing logbooks sa mga establisamento.

Matud pa, dunay mga mapahimuslanong indibidwal o grupo sa mga tawo nga gigamit ang mga personal nga impormasyon sa ilang binuang.

Lakip niini ang pagkuha sa ilang mga celphone numbers ug gipangpadad-an og mga mga text messages bahin sa mga promos, ug uban pa nga naghasolhasol sa tawo.

Gawas pa niana, dunay posibilidad usab nga binuangan ang tawong target gamit ang iyang mga personal nga impormasyon sama sa kompletong pangalan, address, email, ug cellphone numbers.

Ang Inter-Agency Task Force maoy nagmando nga kinahanglang dunay logbooks ang mga establisamento aron ilista kun kinsa ang mga tawong nisulod sa ilang mga establisamento.

Alang kini sa paspas nga contact tracing isip paagi pagpakgang sa pagkatap sa coronavirus disease.

Apan epektibo ba gyud kini? Unsaon man pagpangita kining kaliboang customers nga manulod sama sa mga dagkong malls?

Dili ba kun dunay magpositibong empleyado kadto raman ilang katapusang nakauban maoy pangitaon ug sagad niini ila rang mga kaila o, kaubang kawani o kabanay?

Unya naa ba guy mga customers nga giadto tagsa-tagsa sa ilang mga address ug gipa-swab test kay dunay empleyadong nagpositibo sa mall nga ilang giadtoan?

Usa pa, gawas nga hasol ug langay kining pag logbook sa mga establisamento, daghan man sab ang wala magtarong og tug-an sa tinuod nilang pangalan o address, busa wala gihapon kini pulos.

Maayo tingaling inay mag-logbooks, kana nalang contact tracing apps maoy ipagamit, wa pay hasol.

Maayo ang tumong sa pag logbook apan tanawon unta kung epektibo ba gyud kini sa katuyoan.

DILG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with