_banat
^

Banat Opinyon

EDITORYAL - Nganong di pa pwede sa Pilipinas

Banat
EDITORYAL - Nganong di pa pwede sa Pilipinas

Tungod sa grabeng epekto sa ekonomiya ug kalihokan sa katawhan, daghang mga nasud ang napugos sa pagpangabli og balik ug gilibkas ang mga lockdown nga sa ilang tan-aw nakatuok na sa ilang katawhan. Nganong dili man kini mahimo dinhi sa Pilipinas?

Ang maong mga nasud makahimo niini tungod kay sa pagtimbang-timbang sa ilang mga gobiyerno mas dako ang mawala kanila kun itandi sa pagpadayon sa mga lockdown.

Apan angay mahibaw-an sa tanan nga kining mga nasud nga ni-relaxed na sa ilang mga quarantine protocols sama sa pagsuot og facemask sa publikong lugar ug ang pagbalik sa mga mass gatherings ug mga kalihokan, dunay kapasidad nga atimanon ang mga tawong madala sa tambalanan.

Gawas pa niana, mayoriya na sa ilang populasyon ang nabakunahan ug masaligon ang ilang katawhan nga ang mga gibuhat sa ilang gobiyerno batok sa coronavirus alang gyud sa ilang kaayohan.

Dili kini mahimo dinhi sa Pilipinas, tungod kay dili sama kalig-on ang healthcare system niini kun itandi sa mga adunahan ug mga dagkong mga nasud. Nihit pa ang mga tambalanan, nihit sab ang mga healthcare workers, nitiyabaw na gani ang uban ug ni-resign sa ilang mga trabaho.

Daghan na ang gustong libkason na ang ubang mga restriksyon nga nakapugong sa mga kalihokan sa mga tawo dinhi sa Pilipinas. Apan subo lang palandungon nga bisan pa niining krisis nga dala aning pandemiya daghan gihapon ang mga wala mosunod sa mga health protocols sama nalang sa pagsuot og facemask, ang social distancing ug uban pa.

Laing rason nganong dili pa mahimong wagtangon na kining mga restriksyon ug pagawason na ang tanang mga tawo lakip ang kabataan, daghan pa ang wala mabakunahi.

Dugangan pa nga dunay mga tawong kusganong nagmagahi nga dili gyud magpabakuna tungod sa nagkalainlaing rason, Apan sagad kanila, kuwang og kahibalo bahin sa benepisyong mahatag kun mabakunahan.

Nindot na baya gyud ibalik sa normal, apan kining COVID-19 dili na kini mawala pa bisan mabakunahan na ang tanang tawo. Ang angay buhaton mao nalang ang pagtuon nga mabuhi nga naa kini sa palibot.              

ECONOMY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with