_banat
^

Banat Opinyon

EDITORYAL - Seryosong hulga sa Delta variant

Banat
EDITORYAL - Seryosong hulga sa Delta variant

Naghigpit na karon didto sa National Capital Region ug ubang mga rehiyon didto sa Luzon tungod sa kompirmadong duna nay local transmission sa mas bangis nga Delta variant sa coronavirus didto sa maong mga dapit.

Agi og panagana, ang mga mayor sa Metro Manila miawhag nga subling estriktuhon ang paggawas-gawas sa mga batang singko anyos hangtud 17 anyos.  Si Pres. Duterte kagahapong adlawa subling mimando ang mga restriksyon sa NCR, Ilocos Norte, Ilocos Sur, Davao del Sur ug Davao del Norte sugod kagahapon hangtud sa Hulyo 31.

Ang delta variant matud pa sa mga eksperto mas bangis ug dali kaayong manakod. Mao nga peligroso kaayong tungod sa pagsige na sab og gawas-gawas sa mga bata sa ilang panimalay dako kaayo ang purohang makakuha sila sa maong sakit ug madala nila sa ilang balay.

Dili ikalimod nga ang mga bata magpatara lang bisan og makadaghan pa sultihan nga magsuot kanunay og facemask.

Tungod sa kalinghod sa ilang pangisip, dili na mabutang sa ilang hunahuna ang pagsuot niini bisan og nadala pa sila tungod kay malinga man sila pakigduwa.

Dinhi sa Sugbo, wala pay report nga dunay Delta variant nga namatikdan, apan tungod kay bukas naman ang mga pantalan og tugpahanan niini para sa mga biyahidor gikan sa lagyong probinsya, may rason aron mabalaka ang publiko.

Didto sa Luzon, duna nay 47 ka mga kaso sa Delta variant ug ang 23 niini local transmission o nagkatinakdanay na diha sa komunidad. Ang makahadlok niini, unsaon nalang kun duna pay ubang natakdan na niini nga variant nga wala pa mahibaw-I sa mga otoridad unya nagsige gihapon oga laag-laag o biyahe?

Apan nabantayan nga bisan pa sa kasikas didto sa Luzon bahin sa Delta variant, dinhi sa Sugbo namatikdan nga lugak pa gihapon ang mga kabarangayan paghimo og aksyon.

Walay nagsige og libot ug nagpahibalo kabahin sa peligro sa Delta variant, magpatrolya lang ini og curfew na ini og kagabii sama lang gihapon sa naandan nilang gihimo sa pagsugod sa pandemiya.

Kinahanglan gyud untang dili na sila magpaabot pang mandoan sa ilang mga mayor o sa IATF kung unsay buhaton. Gamiton unta nila ilang inisyatiba.

COVID-19 VARIANT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with