Raffle sa magpabakuna sa Las Piñas City

Daghan nang mga senior citizen ang na-fully vaccinated na, ug maoy ilang pagtuo nga tugotan na paggawas gikan sa mga panimalay. Apan, una sa tanan, kining headline sa Philippine Star: “Palace rejects easing of restrictions on seniors.” Gisalikway sa Palasyo ang sugyot nga paluagan ang mga quarantine restrictions sa mga senior citizens. Padayon: “Malacañang is against the proposal to allow fully vaccinated senior citizens to go out of their homes so they can contribute to economic recovery.”

So, pagkakaron, stay home lang una kita, tungod kay magpabilin man kitang vulnerable bisan kon ma-fully vaccinated na. Sa ato pa, magpadayon kitang motuman sa mga health standards, sa hustong paggamit sa facemask ug face shield,  molikay sa mga mass gatherings, ug mag-observe sa physical distancing.

Kanus-a man kini kutob kining atong pagkabilanggo sulod sa panimalay? Ania ang katin-awan ni Presidential spokesman Harry Roque: “I think it will depend on whether we will achieve population protection. More people should be given protection because the vaccine is not a guarantee that you will no longer catch COVID. It is a guarantee that you won’t have a severe illness or you won’t die.

“So let us veer on the safer side while we do not have population protection yet. Until we have not vaccinated 70 percent of the population, our grandfathers and grandmothers should stay home for now.” Apan, sa iyang bahin,si Franklin Quijano, chairman sa National Commission of Senior Citizens  misugyot nga kadtong nabakunahan makaduha, tugotan na pagpagawas gikan sa ilang mga panimalay, “so they can help the economy rebound. Permitting senior citizens to go out would allow them to do exercises that would benefit their mental health.”

Sakto pud, basta motuman lang gihapon sa mga lagda sa maayong panglawas, ilabina ang paglikay sa pagtapoktapok ug pag-observe sa physical distancing.

Hinuon si Roque mitin-aw nga dili gayud absolute ang pagdili sa mga senior citizen paggawas gikan sa panimalay. “They can go out to buy their needs. If they need to go to the mall to do so, they are allowed to go out. They are also allowed to exercise because exercise is important in health promotion because we have to be healthy against COVID-19.” Bitaw, alang sa mga senior citizens, maayong i-relax ug paluagan og gamay ang mga restrictions, kay kapin na sa usa ka tuig nga nga sila o kami natanggong sulod sa panimalay. Dili kini lalim uy! Gumikan sa daghan pang mga vaccine ang mangabot nganhi sa atong nasud, giikag kadtong nagduda pa pagpabakuna na, ug makadawat pa sila’g mga pahalipay.

Pananglitan sa Barangay Sucat sa Muntinlupa City, ang magpabakuna i-raffle, ang premyo: bugas; sa Las Piñas City, ang magpabakuna adunay kahigayonan nga makadaug og “ house-and-lot package,” courtesy ni Rep. Camille Villar.  Maayo unta’g iapil sa mga Villar ang Cebu City niining ilang raffle. Unya, pipila ka negosyante sa kaulohan misugyot nga mo-issue og mga Vaccine Pass, diin inipangompra sa maghupot niini adunay discount o mga pahalipay nga mapaabot.