_banat
^

Banat Opinyon

Sugbo gidagmalan

JAV BANATI - Javier Yntig Tapulado - Banat

Kining pagluwat og kamandoan sa Malakanyang nga i-divert tanang international flight, nga gikatakdang motugpa sa Mactan Cebu International Airport, unya giusab-mandaran nga adto palandinga sa Ninoy Aquino International Airport, Manila, ning panahong nagkabikosbikos ang tawo unsaon pagpangitag kuwartang ikapakaon sa pamilya, sama rang gidugangan sa Malakanyang pagbitas ang samaran nang dughan ug bulsa sa mga pasahero.

Ang kamingaw ug kahingawang sagad maoy bation sa mangunguliay’ng Overseas Filipino Workers (OFW) ug Returning Overseas Filipinos (ROF), kinsa nahilayo sa ilang mga minahal gumikan sa pagpakigbugno sa kawad-on, gusto pang pun-ag laing daghang kalisod sa Malakanyang ang ilang pag-antos.

Tungod lang ba sa Executive Order 17 ni Cebu Gov. Gwen Garcia, diin tin-aw’ng nakatabang sa pagpabangon sa ekonomiya sa Sugbo ug nakapagaan sa bug-at kalbaryong latasonon sa mga OFW ug ROF, hinungdang nagpalaban dayon ang Inter-Agency Task Force sa gamhanang palasyo?

Ug may pipila pang dagkong opisyal ang nagplanong ikiha si Garcia? Husto ba?

Maayo bang tan-awon, nga ang public servants, kinsa dapat tanan maghuyhoy-inunongay sa pag-alagad sa katawhan, mag-away-kinihaay na hinuon?

Si Hesus, mismo, miingon sa Iyang mga tinun-an: “Ang nasud nga mag-unay dili makabarog. Kon ang pamilya mag-iyaiya, kanang pamilyaha dili molungtad.” (Marcos 3: 24-25)

Ug mao kini ang nahitabo sa atong nasud. Dili, ba? Kay bisag giunsa ni Tatay Digong pagpaningkamot nga makab-ot ang ‘Change is coming’ nga iyang gisaad, dili tanan natuman.

Unsaon, may Leni Robredo man ug ubay-ubay pang oposisyonistang sigeg kontra niya?

Gani, niining bag-o, bisag namatud-ang nakahatag og kaayohan sa mga Sugboanon ang EO 17 ni Gov. Garcia, gikuwestiyon lang gihapon sa IATF ug kusganong gibak-apan sa Malakanyang. Kay kuno, nahisupak sa IATF health protocols.

Protocols nga depektoso. Busa, angay kortihan aron mahimong epektibo. Pero, gilaig sabot sa IATF ug Malakanyang kining pagpanindot (innovation) nga gitempla ni Garcia, diin, tested effective and very impressive.

Hinungdan, nga ning kamandoang gihimo sa Malakanyang, daghang Sugboanon ang gisakitan. Kay dili ra EO 17 ni Garcia ang gilatos-gidagmalan. Kondili, hasta katawhan.

Hinuon, makigkita si Inday Gwen ni Tatay Digong uban ni Presidential Assistant for Visayas Secretary Michael Llyod Dino didto sa Malakanyang aron ihikyad-ipaambit ang mapuslanong unod sa EO 17.  Unta, mauyonan kini ni Duterte.

SUGBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with