_banat
^

Mas maayo pa nga wala na lang unta magkat-oni

MGA LAMAS SA KINABUHI - Fr. Rey Cui (Banat) - May 14, 2021 - 12:00am

Sa Ikaduhang Gubat sa Kalibutan dunay mga babaye nga gitawag og American War Brides. Kasagaran nila mga langyaw ug dili maantigong mosulti og Iningles. Tuod man nahimong daghan nila ang nahimong asawa sa mga sundalong Amerikano.

Maayo ra gyud ang ilang panagkuyog sa sinugdanan daw mga pets kuyog sa ilang mga pet owners. Apan ang suliran nagsugod sa dihang nakakat-on na sila kun unsaon pagsulti og Iningles ug sa dihang nakasabot na sila niini.

Ang ilang mga bana dili naman makapatuyang sa ilang buot pagahimoon. Kini tungod kay ang ilang mga asawa sayud naman nga dunay mga higayon nga ang hangyo gikan sa ilang mga bana dili naman makatarunganon, ni ang mga pulong gikan sa ilang mga baba nahimong mapanamastamason ug dili na pinasikad sa gugma ug kaaghop. Tungod sa kakuwangan sa hustong pagsabot sa pinulongan ug ang paningkamot nga tugkaron ang kahulogan sa matag senyas nahimong daw sa idlaw ang hustong paghubad.

Mao nga ang nahitabo sunod lang sila kay sunod sa kabubut-on sa ilang mga kapikas. Apan ang tanan inanay nga nahanaw sa dihang kuyog sa maong pagsabot ug pagkat-on sa kuwahian nahimong daw palpal ang matag asdang sa pagpadayag sa katungod sa hingtungdan. Mao nga daghang kaminyoon matud sa hinayhinay nalugti ug nabanggkas.

Usahay makaingon ta nga maayo pa tuod nga wala na lang tay kabangkaagan sa mga panghitabo sa atong palibot kay dili pa nato makita sa kinatibuk-an gayud ang mga panghitabo. Apan luoy palandungon kun kini maoy sukaranan sa pagpakahilom. Bisan pa man kun dunay mga higayon nga dili kita paminawon ug dili ba kaha buyboyon, mas maayo na lang nga mosukol kaysa baboyon. “Ano ang iyong ambag?” matud pa sa mga maro apan dili makinaadmanon!

Kabahin sa pundok sa nag aliwasa nga katawhan mao man ang suhot sa mapahimuslanong pipila nga wala magtamod sa tawhanong katungod. Mga pipila kang kansang itom nga tanlag pagatabonan sa mga makaayo kunohay nga kawsa. Mao nga nahimong madawat alang kanila ang pagpatay sa mga kaliwatan agig pagpanalipod sa atong nagkatigulang nga planeta.

Daghan pa unta ako og angayang ibatbat apan nahadlok ko nga basin mamahimong hagip-ot kining luna sa Banat News. Apan subo palandungon mga igsuon nga ang tawhanong kalantip ning dulom nga panahom nahimong daw walay kapaingnang damgo sanglit ang kinabag-an mas buot nga molakaw sa dulom nga dalan sa kalaglagan kaysa hagip-ot nga dalan sa kahayag.

GUBAT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with