^
EDITORYAL - Paglibkas sa liquor ban

EDITORYAL - Paglibkas sa liquor ban

(Banat) - May 5, 2021 - 12:00am

Gikatakdang libkason na ni Cebu City Mayor Edgardo Labella ang liquor ban dinhi sa siyudad sugod karong Biyernes. Apan adunay kondisyon, ang mga parokyano ug mga tagiya sa imnanan limitahan lang og tagduha ka botelya matag kustomer.

Para sa uban, kuwang ra kaayo kini apan naa pa gihapon ang siyudad sa pandemiya sa Covid-19 ug ang tanan posibleng mataptan sa maong sakit.

Sa paglibkas niini ug paglimita og tagduha ka botelya o servings kinahanglan gihapong mosunod ang mga tawo sa health protocols.

Lisod kini buhaton kun sobra-sobra na kadaghan ang nainom nga bino. Nabatasan na raba sa uban nga kun mangahubog na magsige naman og sikit-sikit ug dinhang dapita ang peligro sa pagtakod sa sakit.

Mahimo untang responsable ang mga tawong manginom nga ang kaluwasan sa ilang pamilya naa ra sa ilang mga kamot.

Kun magpasagad sila dako ang purohang ang ilang kainom nagdala diay og Covid-19 ug madala sab nila kini ini og uli sa ilang balay.

Daghan ang nagsalig aning mga establisamento nga nagbaligya og ilimnong makahubog, ug pinaagi niini makabalik na sab sila sa panginabuhi.

Makatabang sab kini sa pagbangon sa ekonomiya sa siyudad nga karon hinayhinay pang mibalik human gipaluagan ang restriksyon.

Aron masiguro nga sundon ang mga probisyon sa executive order sa mayor bahin niini, kinahanglang makita nga duna gyuy mga marshals nga maglibot-libot sa nagkadaiyang establisamento kada adlaw ug gabii.

Mas labing maayo kun ipabilin gihapon ang curfew aron nga ang mga tawong kusog manginom sa mga imnanan ug ang mismong mga establisamentong nidalit niini dili magpatuyang.

Kaning paglibkas sa liquor ban. ang pagbukas og balik sa Cebu City Sport Complex, ang pagabli na sa tanang adlaw sa Carbon Public Market, pagpadagan sa mga tradisyonal nga PUJs kabahin kini sa paningkamot sa siyudad nga mabalik ang ekonomiya ug mabatyagan sa publiko nga naarang-arang na ang sitwasyon karon.

Apan hinumdoman unta sa tanan nga gibase kini sa pagkubos sa gidaghanon sa mga bag-ong kaso sa Covid-19.  Kun mosaka og balik, tungod kini sa pagpabaya sa mga tawo ug subli na sab unyang ibalik ang mga restriksyon.

LIQUOR BAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with