^

Alegre Guitars quality makahumpay

JAV BANATI - Javier Yntig Tapulado (Banat) - May 5, 2021 - 12:00am

Puno sa kalaay ang kinabuhi sa senior citizens karong panahona. Daw gipriso sa halwa. Dili bastabasta makagawasgawas sa balay.

Samot kon daghan nag gipamati sa lawas, walay laing gipunayag tutok – ang lamesa ra nga nahisama sa botika, naglaray ang nagkalainlainng medisina, nagpaabot sa tukmang oras kanus-a kini imnon?

Mas arang-arang niadtong wala pay COVID-19. Adunay adlawng libre ang seniors sa sinehan sa mga mall ug sa mga barkadang wanggits maka-bondingbonding over cups of coffee.

Pero karon? Sige’g puyo sa balay, uy! Ultimong mga simbahan nga kanhi dumdumon matag Miyerkoles, Biyernes ug Domingo, gialihan sa health protocols.

Maayo, kay kaantigo ko’g gamay sa gitara. Pero akong mga tudlo maglisod nag piit sa mga kuwerdas.

Busa, nakadesider nga mopalit na lag ukulele aron may kalingawag kuskos ning panahong maoy mopasulabi ang kalaay.

Tuod, pinaagi sa YouTube channel, napadpad ko sa ALEGRE GUITARS.

Naatol, nga sa video, may foreigner nga nag-window shopping og gitara ug ukulele, mora pod kog nakaapil sa pagpamili.

Duna koy nagustoan.

Ukulele nga hinimo sa kahoyng mahogany. Gusto kong paliton dayon kini.

Ang problema kay ang tindahang namaligya niini tua sa Abuno, Lapulapu City, Mactan. Ikaduha, year 2016 pa ang pagpost sa nahisgotang video. Abli pa kaha? May landline telephone number.

Gitawagan nako. Igo rang mosiyok, dili mo-ring!

Nagpatabang ko sa akong anak, kinsa computer literate. Gisugo ko nga pangitaag paagi nga makontak ang ALEGRE GUITARS kay lahi ko, kon maoy maibog. Buot dayong angkonon ang butang naibgan.

Nakuha sa akong anak ang cellphone number sa tag-iya, Ma”am Tracy Alegre, ug dihadiha, giistoryahan-sukitsukit gilayon nako. Nalipay ko. Sige pa diay ilang negosyo.

Aw, walay langan, miorder dayon kog usa ka mahogany ukulele. Ang oras niadtong tungora, alas 10:00 sa buntag.

Nakurat ko sa serbisyo sa ALEGRE GUITARS. Kay wala pay alas 3:00 sa hapon, gihatod na ang ukulele, diin walay daghang kuskos balungos. Purely cash on delivery ra gyod.

Unya, free delivery pa. Ug ang makatagbaw kaayo, kay ang kalidad sa hitsura ug tingog niini, pang-world class.

Dili lang makawala sa kalaay. Sa akong paggakos, mopauraray.

Ug sa dughang samaran makahumpay! Thank you, Alegre Guitars. Nahimo kang kalipay sa akong pag-inusara.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with