^
EDITORYAL - May pinalabi sa mga tambalanan?

EDITORYAL - May pinalabi sa mga tambalanan?

(Banat) - April 13, 2021 - 12:00am

Para sa mga kwartahan, opisyales sa gobiyerno o dunay koneksyon sa mga tag-as nga posisyon sa gobiyerno, nga natakboyan og coronavirus disease sayon ra para nila ang makapa-admit sa mga tambalanan, pangpubliko man o pribado.

Apan para sa mga kabus, mga wala mailhi, ug walay kailang mga dagkong tawo nga naa sa posisyon, taas kaayong linya ang kinahanglan nilang antuson aron lang sila magpa-admit sa tambalanan.

Moagi pa sila og mas makuting proseso sama pagtan-aw kun grabe na ang mga sintomas nga nakita sa lawas, kadtong himatyunon maapil gyud sa prayoridad nga i-admit apan bisan gani niini, kinahanglan pa silang magpaabot kung dunay bakante.

Kani nga senaryo naobserbahan dili lang dinhi sa Sugbo kondili didto mismo sa kaulohan karon nga ang ilang mga kaso sa Covid-19 paspas kaayo ang pagsaka ug nangapuno na ang mga Covid-19 dedicated beds sa mga tambalanan. Sa nanglabay nga mga adlaw, nagbaha ang mga report nga daghang pasyenteng gibalibaran sa mga tambalanan didto sa kaulohan kay puno na sila.

Mao nga ang uban adto nalang nagpa-admit sa ubang tambalanan sa gawas sa Manila bisan layo kaayo ug hasol na para sa ilang pamilya.

Ingon ani ang sitwasyon, kun ordinaryong mga tawo ug dili mga inila sa sosyodad kinahanglang antuson ang taas nga linya, apan kun opisyales nga naghupot og taas nga posisyon, diretsong i-admit.

Usa sa sanglitanan niini mao si Presidential Spokesperson Harry Roque nga napostibo sa Covid-19, wala siya mag-antos sa pagpaabot, gi-admit dayon kini.

Nganong dili man nga tigpamaba man siya sa presidente. Kun siyay pasultihon tanang tawong nagkinahanglan og tabang makadawat niini ubos sa administrasyong Duterte.

Apan ang tinud-anay nga sitwasyon diha sa ubos dakong sukwahi sa iyang gipangsulti.

Pait kaayo karon para sa mga tawong walay ikabayad sa tambalanan o kadtong walay mga insurances gawas sa PhilHealth kun maoy masakit.

Busa, ang labing maayong buhaton karong dunay pandemiya mao ang pagsunod gyud kanunay sa mga health protocols. Bawal masakit ang pobre.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with