Mao kini ang ato lang gi-take for granted, nga sa uban, duladula lang, ug sa uban pa gyud moingon dayon nga: “happy days are here again,” kaylagi ang eleksiyon alang kanila, negosyo, mobaha ang kwarta.
Ang resulta: irresponsible voting, pinasagad nga pagbotar, hinungdan nga gawas sa mga maayo, daghang mga pinili nga public servant (unta) nga nagpasagad lang usab sa ilang mga balaang katungdanan.
Karon, mag-eleksiyon na usab kita. Hinaut nga na-leksiyon na kita sa mga kasaypanan nga atong nahimo sa niaging mga eleksiyon, nga unta ang atong pagbotar nagkahulogan kini unsa nga matang sa ugma ang atong mapaabot. Ugma sa barangay, ugma sa dakbayan ug kalungsoran, ug ugma sa tibuok nasud.
Mahinungdanon kaayo ang 2022 nga eleksiyon tungod kay lakip sa atong pillion mao man ang mosunod nga presidente. Sa ato pa, kaugmaon sa atong nasud ang gitaya, ug ikaw botante maoy magbuot kon unsa nga matang sa ugma ang buot nimong kapuy-an sa matag Pilipino.
Busa, kinahanglan kamao na kang mopili. Pagbotar, dili iagad sa partido, pagbotar, dili iagad sa mga political leaders, pagbotar, dili iagad kon pilay pagkahalin sa imong voto, pagbotar, dili iagad sa imong mga kompare ug mga komadre.
Kon dili, pagbotar agad sa diktar sa imong konsiyensia (kon duna pa man), ug agad sa mga qualification ug kaligdong sa buot nimong pillion.
Niay nindot kaayo nga artikulo ni Atty. Josephus B. Jimenez sa iyang column sa The Freeman giulohan, Template for choosing the next president. Matud niya: “The next president should be brilliant and wise because huge decisions have to be made. But brilliance without a pure heart may end up like a dictatorship or plundering the nation’s wealth by corruption or robbing us of democracy via martial law.”
So, kinahanglan, dili kay ang pagka-bright lang sa usa ka kandidato ang atong basihan sa pagpili, kudili, ato usab ukit-ukiton ang iyang ka-ligdng ug kamatinud-anon sa pag-alagad; Unsa ka linis ang iyang kasingkasing.
Apan, dii igo ang lunsay ug tim-os nga kasingkasing, “A pure heart would be dangerous if not backed up by wisdom, courage, and strength of character. But all these are nothing if the next president is not action-oriented, experienced, bold, and willing to take risks,” dugang ni Jimenez.
Gikan sa 1898 hangtud karong tuiga, aduna na kitay 16 ka presidente, gikan ni Emilio Aguinaldo hangtud ni Presidente Rodrigo Duterte, “and thus,” matud ni Jimenez, “ we should be wiser by now. If after we do not oiii learn from the monumental errors of our forefathers, in the last 123 years, then we shall be condemned to repeat the same mistakes, over and over again.”
So, karon nga nag-atubang na usab kita’g laing eleksiyon, nakakat-on na ba kita sa kasaypanan nga atong nahimo sukad pa sa tuig 1898 (123 na ka tuig sukad sa unang presidente). Mangutana kita: “Wise” na ba kita karon? Siyaro’g wa lang gihapon ta makakat-on!
In terms sa economic development, public infrastructures, tourism, employment, food security, public services, peace and order, ubp,, akong tan-aw, maora’g lupig kita sa silingang kanasuran dinhi sa Southeast Asia. So, vote wisely and responsibly.