_banat
^

Banat Opinyon

Rescue o raid, dili maoy isyu

LINTUNGANAY - Fred Languido - Banat

Atol sa gihimong operasyon sa kapolisan didto sulod sa University of San Carlos sa Barangay Talamban niadtong Lunes nahimong pabilo sa lantugi unsay termino angayang gamiton paghulagway niini.

“Rescue” o “raid” ba ang haum nga termino ang angayang gamiton paghulagway sa operasyon batok sa mga lumad gikan sa Mindanao nga nagpuyo sulod sa USC retreat house.

Ang mga sakop sa media nga uban sa operasyon mihulagway niini nga usa ka “rescue operation” sanglit mao ni ang gitug-an nila sa mga awtoridad.

Ang unang kasayuran sa mga sakop sa media mao nga dunay labing minus 6 ka mga ginikanan gikan sa Mindanao nga nangayo og tabang sa kapolisan tungod kay ang ilang mga anak gidala dinhi sa Sugbo pinaagi sa Bakwit School Program sa Save Our School (SOS) network nga way pananghid nila.

Ang Bakwit School namugna human gipasirad-an sa gobyerno ang tunghaan sa mga lumad didto sa Mindanao tungod sa kakuwang og permit ug tungod sa pasangil nga kini gigamit sa mga rebelde’ng komunista.

Basi sa reklamo sa mga ginikanan, maisip nga nabiktima sa kidnapping o ba kaha human trafficking ang ilang mga anak.

Nunot niini gihimo sa kapolisan ang “rescue” operation. Apan wala makaayon ang mga militante sa pagsagop sa media sa termino nga “rescue” tungod kay alang nila “raid” ang nahitabo.

Ilang giakusahan ang media nga sayop ug malisyoso tungod niini. Tungod lang kay wala mosagop ang media sa termino nga ilang gusto sayop ug malisyoso na kini alang nila.

Ngano, tungod kay dili ninyo mahimong magamit ang reports pagsuporta sa inyong kawsa batok sa mga awtoridad?

Dili makatuis sa kamatuoran nga dunay unom ka mga ginikanan nga nangita sa ilang mga anak tungod kay gidala dinhi sa Sugbo nga way pananghid bisan unsaon pa paghulagway ang operasyon.

Ang tinuod nga isyu sa maong hitabo mao ang reklamo sa mga ginikanan nga gidagit ang ilang mga anak ug dili ang paagi sa kapolisan sa ilang operasyon.

Inay sawayon ang media, angayan pa gani silang magpasalamat sa dakong papel niini aron masiguro nga luwas ug way dautang nahitabo sa mga tawo nga responsabli pagdala sa maong mga lumad dinhi sa Sugbo. Nahunahuna ba kaha sa mga tawong misaway ug namasangil sa media ang posibling dautang nahitabo og wala pay mga reporter nga uban atol sa operasyon?

Dili kaha mas grabi pa kay sa nahitabong dakop ug rescue ang nahitabo?

Kinsay makapugong sa kapolisan og gibuhatan sila og eksina nga misukol kunohay? Wala ko nag-ingon nga mao ni ang binuhatan sa kapolisan apan di sab ni imposibling mahitabo.

Ako lang gihimug-atan ang dakong papel sa media atol sa maong operasyon aron pagpakita sa hustong hulagway sa tinuod nga nahitabo ug angayang pasalamatan ang kapolisan tungod sa ilang pagtugot nga mosaksi ang media sa operasyon.

Nagpasabot ni nga transparent ang kapolisan ug wala silay gitagoan.

SAN CARLOS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with