^

Badlis sa kapalaran

JAV BANATI - Javier Yntig Tapulado (Banat) - January 4, 2021 - 12:00am

Nindot ang badlis sa kapalaran nga nahuptan ni Senador Manny Pacquiao. Kakabos tuod ang iyang namat-ag buot, apan gumikan sa tumang paningkamot sa pagpakabuhi taliwala sa batoong dalan nga iyang giagian, nahisama siya sa kinamahalang bulawan nga naggilakgilak sa tibuok kalibotan.

Wala lang si Manny nahimong bantogang boksidor ug nag-inusarang Eight World Boxing Division Champion, diin ang kabantog dili na maapsan ni bisan kinsang boksidor.

Bisan pa ni hambugerong sukol-dagang undefeated boxer, Floyd Mayweather Jr.

Usab, si Manny nahimong bigtime endorser sa mga mahalong produkto gikan sa mga higanteng kompaniya sulod ug gawas sa atong nasud, diin ultimo iyang pirma, may dakong kantidad na ang katumbas.

Mga sikat artista, celebrities ug superstars sa tibuok uniberso, misaludo-yukbo pod sa nahakot mga champion belts ni Manny, dili lang sa pamoksing. Kondili, lakip na sa iyang pagkamapahiubsanon. Busa, dihang miapil siya pagtaak sa politika, sa unang pagsulay napilde tuod siya.

Pero sa ikaduha, gipangnak-awot iyang mga tadhang kontra sa tumang kasayon.

Taliwala sa grabeng pagsaway sa mga bashers, kinsa miingon unsay mahimo ni Manny sa Kongreso nga maglisod man gani pagsultig iningles, si Manny midaug gihapon pagka-kongresista sa Sarangani niadtong Mayo 2010. Landslide pa!

Pagkasunod eleksiyon, Mayo 2013 midaog gihapon nga walay kontra. Ug pagka Mayo, 2016 national election, nahimong senador sa atong nasod.

Sa Senado, mipakitag maayong labok si Manny. Kaaway niya ang korapsiyon ug sa hiwing binuhatan sa mga lider nga gipamutang ni Pres. Rodrigo Roa Duterte sa lainlaing dagkong ahensiya sa gobiyerno. Gani, misugyot nga silang korap pangtaktakon.

Pareha ni Duterte, gusto sab si Manny nga makalingkawas na ang mga kabus sa kawad-on. Gusto siya nga ang unequal distribution og wealth mahimo nang equal.

Buwahan, wala nay pobreng magpakilimos sa dalan. Tanan, makatilaw nag kaharuhay.

Gani, sa usa ka interview, iyang giladlad ang kinatibuk-an niyang plano unsaon nga kining maong tinguha makab-ot.

Ultimo si Duterte nga nakadungog sa mao niyang panglantaw, nakadayeg. Molansar kaha si Manny pagka-presidente? Modaog kaha?

Well, kon apil sa badlis sa iyang kapalaran nga siya nay sunod ma-presidente, walay si bisan kinsang tikasan ang makapugong kon kini mao gyoy destiny nga giandam sa Ginoo alang kaniya. Ato ning paaboton!

MANNY PACQUIAO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with