Dunol nga Pinaskohan

“Better late than never” ang nahitabo sa mga Person Deprived of Liberty o PDL sa Cebu City Jail nga nakadawat og pinaskohan gikan sa kaugalingon nilang pamilya bisan pa man og nakasinati pa karon sa COVID-19 pandemic.

Gisugdan kagahapong adlawa ang ‘dunol system’ nga programa sa jail facility nga molungtad sa December 31. Kini human mihangyo si Cebu City Mayor Edgardo Labella sa BJMP nga matugotan ang mga kabanay sa mga binilanggo nga motunol og mga pagkaon pinasubay sa diwa sa Pasko.

Liwas naman ang Pasko apan dili matukib ang kalipay sa mga pamilya nga emotional tungod kay nahatagan sila og kahigayonan.

Alang kanila nga dul-an sa duha na ka tuig silang nag antos sa kamingaw human gihunong ang dalaw tungod sa pandemic.

Arang-arang nalang unta kaniadto nga makadunol sila apan gipahunong usab dihang naay nagpositibo sa COVID-19.

Bisan sa kalisod nila nangita gyud og pamaagi nga makapamalit og panginahanglanon sama sa sabon, kape, ug nagluto usab sila og lamiang pagkaon nga ihatag sa mga sakop sa pamilya nga naa sa prisohan.

Bisan og mga binilanggo tungod sa mga salaod nga giatubang apan tawo sila nga nagkinahanglan sa kainit sa pagmahal sa ilang pamilya.

Busa bulawan kaayo kanila ang mga kahigayonan nga makabatyag sa pagmahal sa ilang mga mahal sa kinabuhi.

Bisan sa mga espesyal nga panahon sama sa Pasko mahatagan sila og dyutay apan bulawanon nga kalipay.

Samtang gipaneguro sa mga otoridad nga napatuman gyud ang mga protocols aron malikayan ang coronavirus transmission.