Paghandom ni Bonifacio

JAV BANATI - Javier Yntig Tapulado (Banat) - November 30, 2020 - 12:00am

Dugay nang namatay si Andres Bonifacio. Niadto pang Mayo 10, 1897 sa edad nga 33. Karong adlawa, Nobiyembre 30, Lunes, ika-157 na ka tuig nga kasumaran sa iyang adlawng natawhan: Nobiyemre 30, 1863.

Apan hangtod karon nagpabilin ang iyang ngalan sa Phiippine history books ug ang iyang pagka-bayani, isip pangulo sa mga Pilipinong Katipunero o Supremo (Supreme Leader) sa Kataas-taasang, Kagalang-galangang Katipunan (KKK) ng mga Anak ng Bayan, kinsa walay kukahadlok mobuhis sa ilang dugo diha sa pagpakig-away sa mga banyagang Katsila nga gustong mohari-ulipon sa atong nasod nga Pilipinhon.

Ug gumikan sa kaisog ni Bonifacio, bisag dinhay higayon nga ang Katipunan provincial chapters sa Cavite nabahin ngadto sa duha ka paksiyon: Magdalo nga gipangulohan ni Baldomero Aguinaldo, ig-agaw ni Emilio Aguinaldo ug Magdiwang nga gikuptan sab ni Mariano Alvarez, tiyo sa asawa ni Bonifacio, naangkon gihapon nato karon ang hingpit nga kagawasan.

Kagawasan nga giusik-usikan lang sa mga nangaging presidente sa Pilipinas. Kay inay hatagan sa gobiyerno ang katawhan og hustong edukasiyon, fair labor practice, patas nga hustisya, equal distribution of wealth ug diyosnong pagpangalagad, gipasagdan man lang hinuon ang mga gamot sa korapsiyon, gidiling drugas, komunismo ug uban pang matang sa mga daotang sagbot nga mabuhi’g managhan.

Si Presidente Rodrigo R. Duterte ra ang unang presidente nga seryosong nakiggubat batok niining tanang kahiwian nga nahisgutan na sa unahan.

Gidiling drugas, korapsiyon, terorismo ug komunistang grupo, kining tanan gusto niyang payhagon.

Apan kini dili gyud matuman, kon may Leni Robredo, Commission on Human Rights, binayrang raliyesta, oposisyonistang grupo sulod ug gawas sa pandayanag balaod ug mga rebeldeng CPP-NPA nga magsigeg kontra sa tanang maayong tumong ni Duterte.

Si Andres Bonifacio, rebelde usab. Apan ang mga manglupigong Espanyol, kinsa gustong moilog sa atong yutang natawhan, maoy iyang gikaaway ug gipamatay.

Dili sama sa mga CPP-NPA, nga ang atong kasundalohan o kapolisan, kinsa nanalipod sa kagawasan nga gibilin kanato ni Bonifacio ug sa uban tang bayani, maoy giunay nilag pamatay.

Ning iyang birthday karon, angay lang, kuwentasan tag mga humot bulak ang liog sa imahe nga nagbarog sa halangdon niyang monyumento agig pasalamat sa mga bayanihon niyang pagpakigbisog aron kita dili mahipunta-maulipon sa mga langyaw.

ANDRES BONIFACIO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with