Paturagas nga project

RENBOR PATROL - Rene U. Borromeo (Banat) - November 28, 2020 - 12:00am

Nibalik na usab ang isyu kabahin sa pagpadagan og Bus Rapid Transit (BRT) dinhi sa Dakbayan sa Sugbo.

Ang kadagkoan sa Department of Transportation (DOTr) miingon nga gusto nila nga kini kasugdan na sa pagpatuman karong sunod tuig.

Sus, kadugay na niining mao nga proyekto nga giplano, ug kon gipatuman pa dayon kini, karong mga panahona nagdagan na unta ang BRT.

Apan akong klarohon nga dili ko supak sa pagpatuman og BRT, apan ang gusto gyud nako nga sa dili pa kini ipatuman, palapdan usa ang mga karsada.

Maisip nato nga paturagas ra nga pagpatuman sa BRT project nga kunohay makasulbad sa kahuot sa karsada tungod sa kadaghang sakyanan, kon himoon kini nga wa usa palapdi ang karsada.

Sa BRT project, ang mga bus hatagan og duha ka “exclusive lanes” sa taliwala sa karsada, ug kon may subra man anha diha moagi ang ubang sakyanan.

Ang akong baruganan, sukad pa kaniadto, nga samtang tulin nga managan ang mga bus nga gihatagan og exclusive lanes, apan ang ubang sakyanan maghuot diha sa masig ka daplin.

Tan-awa ang Escario Street, ug ang ubang karsada nga anha paagion ang mga BRT.

Upat ra ka lanes ang maong mga karsada, ug nagpasabot nga ang daghang sakyanan mogamit sa usa na lang ka lanes sa daplin.

Kon traffic man gani pagka karon, malantaw na nimong daan ang kaguliyang sa trapiko kon sugdan na sa pagpatuman ang maong proyekto.

Matud sa kanhi mayor sa siyudad nga dinhi kunong panahona, ang mga nanag-iya og sakyanan nga pribado, kinahanglan na nga mosakay na lang og BRT.

Maayo kaayong moyawit, apan ambot og siya mosakay ba kaha og BRT. Aw, basin og mosakay siya’g BRT sa unang higayon aron makuhaan siya’g picture.

Para kanako, nganong dili man gyud sugdan sa pagpalapad ang atong mga karsada? Kon duna moy proyekto nga ipatuman, nganong wa man kamo magtagana og kwarta para sa “road-right-of-way?”

Unya sa ilang mga designs nga gihimo ang ilang gipakita mao ang sitwasyon diha sa Osmeña Boulevard atubangan sa regional office sa Department of Health.

Ilang gipakita nga nindot ra kuno kay eight lanes man ang maong karsada dihang dapita? Gusto nila nga ilaron ang mga tawo nga dili intawon kaayo suheto sa mga karsada dinhi sa siyudad.

Apan sultihan ko kamo, kaming mga suheto sa gidak-on sa atong mga karsada dinhi sa siyudad sa Sugbo, dili mailad sa inyong pagpanglingla.

Naa bay uban diha nga politiko, kon dunay mga mugnaon nga flyovers, supakon abi kay ang nagpaluyo niini, ila man nga kontra sa politika.

BRT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with