Dear Atty. Divine,
Duna koy yuta nga ibaligya nalang tungod kay naapektuhan gyud ang akong negosyo sa pandemic. Ang akong ahente miingon nga dunay gustong mopalit apan by installment ang pagbayad. Wa pa ko modesisyon kun mosugot ba ko nga data datahan lang ang akong yuta. Kun pananglit mosugot ko, unsa nga dokumento ang dapat namo nga pirmahan? Kun di siya makabayad sa kinatibuk- ang presyo unsa may angayan nako unya nga buhaton? Daghang salamat. —Shirley
Dear Shirley,
Kun mosugot ka nga by- installment ang pagpabayad nimo sa imong yuta, ang inyong pirmahan mao ang Deed of Conditional Sale. Sa maong dokumento inyong ilatid ang mga terms and conditions sama sa down payment, monthly installment ug kun hangtud pila ka buwan niya tapuson ang pagbayad. Inyo sab ilakip sa terms kun unsay inyong buhaton kun pananglit dili niya ma fully-paid sa takdang panahon ang selling price. Kun ma-fully paid na niya, una pa ka mo execute og Deed of Absolute Sale ug that's the time nga imo nang I turnover ang property ug ang titulo ngadto sa buyer. Kun di siya makabayad in full, duna kay option sa pagbaligya niini sa lain ug imo lang siya nga i-refund sa portion sa iyang nabayad depende sa inyong nasabutan. Thanks and God bless. — Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.