Dear Atty. Divine,
Duna koy gipalit nga secondhand nga motorsiklo gikan sa akong amigo. Duna mi Deed of Absolute Sale ug iya sab nga gi turnover nako ang rehistro.
Ang akong pangutana kun kinahanglan ba nakong i-report sa LTO kining akong pagpalit sa motor or pwede ra nga dili nako ipa-record sa LTO? Daghang salamat
Roger
* * *
Dear Roger,
Isip new owner sa motorsiklo, obligado ka nga mo-report dayon niini ngadto sa LTO.
Basi sa Section 4 sa Implementing Rules sa Republic Act 11235 or an Act Preventing and Penalizing the Use of Motorcycles in the Commission of Crimes, kini nagmando gyud nga sud sa tulo ka adlaw gikan sa pagpalit sa motorsiklo kinahanglan nga i-report gyud kini dayon ngadto sa LTO pinaagi sa pagpresentar sa original copy ug photo copy sa notarized Deed of Sale ngadto sa LTO diin marehistro ang maong motorsiklo.
Kun mapakyas ka sa pagtuman niini, aduna kini silot kun mapamatud kang sad an basi sa Section 7 nga diin kini naglakip sa pagkapriso ug multa.
Busa aron paglikay sa problema mas maayong imo dayong ireport sa LTO ang pagpalit nimo sa maong motor. Thanks and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.