Pahinumdom: Rosary Month karon
SENIOR CITIZEN - Antolin dela Serna (Banat) - October 9, 2020 - 12:00am

Part (1)

Alang sa mga Katoliko, ilabina sa mga devotee sa Mahal nga Birhen, nga gumikan sa pandemic ug ubang katalagman nga atong giatubang karon, tingalig inyong nataligam-am nga Rosary Month karon.

Just in case, interesado mo, akong i-share kining akong nasundolan nga kasayoran mahitungod sa kasaysayan o sinugdanan sa Sto. Rosario. Ania:

Ang pagpangadye sa Santo Rosario nagsukad kini sa panahon pa sa mga apostoles ug mga disipulo ni Cristo. Ug dili kini invention ni tumotumo lang sa atong Simbahan.

Sa sinuwat ni Saint Louis Marie de Montfort, siya nagkanayon: “Since the Rosary is composed, principally and in substance, of the prayer of Christ and the Angelic Salutation, that is the Our Father and the Hail Mary, it was without doubt the first prayer and the principal devotion of the faithful has been in use all through the centuries, from the time of the apostles and disciples down to the present.”

 Apan, kining present form o ang atong paagi karon sa pag-rosaryo, gisugdan kini sa atong Simbahan kaniadtong tuig 1214, pagdawat sa Simbahan sa Rosaryo gikan ni St. Dominic, “who had received it (the Rosary) from the Blessed Virgin as a means of converting the Albigensians” ug ubang mga makasasala.

Sa iyang nakita ni St. Dominic ang grabing kasal-anan nga maoy makapugong sa conversion sa mga Albigensian, miadto siya sa lasang, duol sa Toulouse, diin nag-ampo siya nga walay hunong sulod sa tulo ka adlaw ug tulo ka gabii. 

 Niining mga panahona, si St. Dominic nagdangoyngoy ug mipahamtang og grabing penetensiya ngadto sa iyang kaugalingon (self-discipline), hangtud nga nasakit ug na-coma.

 “At this point our Lady appeared to him, accompanied by three angels, saying: “I want you to know that in this kind of warfare, the principal weapon has always been the Angelic Psalter, which is the foundation-stone of the New Testament. Therefore, if you want to reach these hardened souls and win them over to God, preach my Psalter.”

Gikan sa panahon ni St. Dominic ang Holy Rosary gitawag pa og Psalter of Jesus and Mary. “This is because it has the same number of Hail Marys as there are psalms in the Book of the Psalms of David. “

Apan, ang mga ordinary ug walay edukasyon nga katawhan niadtong panahona (tingali hangtud karon-ams), naglisod gayud pagbasa ug pagsabut sa Psalms of David,  busa, “the Rosary is held to be just as fruitful for them as David’s Psalter is for others.”

Atong ma-imagine nga kon gipadayon pa ang pagpangadye sa Psalter of Jesus and Mary, pila ra kaha kanato ang mag-Psalter karong panahona no? Busa, mag-Rosaryo ta, kon mahimo kada adlaw.

Unsa may nahitabo tapus niadtong pagpakita sa Mahal nga Birhen ngadto ni St. Dominic, diin giikag sa Birhen ang pagsangyaw sa iyang Psalter? Giingon nga nadasig ug na-energize si St. Dominic sa awhag sa Mahal nga Birhen, ug wala maglangan miadto dayon sa Cathedral aron pagtuman sa kagustoan sa Birhen, diin pagdapit sa daghang tawo, “at once, unseen angels rang the bells to gather the people together.”

Ato kining padayonon ugma, Sabado.

ROSARY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with