Bag-ong sistema
SAKSAK SINAGOL - Lucky P. Malicay (Banat) - October 7, 2020 - 12:00am

Human sa pipila ka hugna nga pagkauktaba tungod sa makamatay nga coronavirus disease o COVID-19 pandemic, nagsugod na sa katapusan ang klase sa tanang tulonghaan sa nasud.

Hinuon wala magpanon ang milyones ka mga estudiyante ngadto sa mga pangpublikong o pribadong eskwelahan. Karon nga school year, distance learning ang gisagop sa kagamhanan aron paglikay sa tinakdanay sa COVID-19.

Ubos sa distance learning, adunay mga pamaagi alang sa mga tinun-an pag-attend sa klase. Adunay misagop sa online classes pinaagi sa internet samtang adunay mipili sa modular learning, ilabina kadtong anaa sa mga lagyong lugar.

Bisan pa man niini, adunay mga ginikanan nga nagdumili pagpa-eskwela sa ilang mga anak karon nga school year. Alang kanila, mas dako ang gasto ug hilabihan ka hasol kining maong bag-ong pamaagi sa pagtungha.

Hinuon, gilauman nga motiurok gayud ang kalidad sa pagtuon sa mga tinun-an karon nga school year. Kini gumikan sa kayagaw dala niining online ug modular learning nga wala pa masinati sa kinabag-an sa atong mga estudiyante

Apan butang kini nga dili gayud nato kalikayan niining panahon nga kamulo pa ang pag-arangkada sa coronavirus disease nga mitapot na sa gatusan ka libo ug mipatay na og subra sa unom ka libo sa Pilipinas, nga usa sa mga nasud nga grabe nga naapektohan sa maong sakit.

Hinuon, angay usab masabtan sa mga ginikanan ug mga estudiyante nga bisan og kabahin na kining maong sistema sa new normal, dili permanente kining maong distance learning sa atong mga estudiyante karon.

Kun mawala na gayud kining coronavirus disease, mobalik ra gihapon kita sa naandang sitwasyon diin obligado gayud ang physical presence sa mga tinun-an sa mga classroom. Mao gihapon kana ang maayong sistema sa pagtuon dinhi sa nasud.

Siguro sa sunod tuig, o sa sunod pa gyud nga tuig, makabalik na ang mga estudiyante ngadto sa mga classroom alang sa physical classes. Kay dili usab mahimo nga permanente kining distance learning niining sitwasyon nga dako og kakulanongon ang nasud sa inprastraktura sa teknolohiya.

Hinuon panghinaut sa tanan nga maayo ra ang dagan sa klase gikan sa pag-abli niini hangtud na sa paghuman niini karong Hunyo sa sunod tuig. Kay ang labing importante mao man nga duna gyuy makat-onan ang atong mga estudiyante

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with