Peace offering
SAKSAK SINAGOL - Lucky Malicay (Banat) - September 28, 2020 - 12:00am

Mibarog na gayud sa katapusan si Presidente Rodrigo Duterte batok sa higanteng China kalabot sa seryoso ug walay katapusan nga isyu sa giilogang teritoryo diha sa West Philippine Sea o South China Sea.

Sa iyang diskurso sa United Nations sa niaging semana, gihisgotan ni Presidente Duterte ang desisyon sa international court nga midapig sa Pilipinas sa kaso nga gipasaka niini batok sa China nga miokupar sa mga isla nga sakop sa teritoryo sa Pilipinas.

Mora og mao pa kadto ang unang higayon nga mibuwelta si Duterte sa China sukad sa iyang paglingkod sa Malacañang. Gani, sukad sa unang adlaw sa iyang termino, nakig-alyado man dayon si Duterte sa China.

Nahibalo na kita nga init ang presidente sa Estados Unidos ug ubang western countries. Kini tungod kuno sa ilang sige nga panghilabot sa kalihokan sa nasud, ilabina sa kampanya sa kagamhanan batok sa negosyo sa ilegal nga druga.     

Apan karon, mibali na ang panahon. Sa iyang diskurso sa United Nations, iyang gilakbit ang desisyon sa international court nga nagdapig sa Pilipinaas batok sa China kalabot sa territorial dispute sa WPS o SCS. Hinuon wala pay tubag ang mga opisyal sa China sa iyang pamahayag.

Sinyales na ba kining pagpahit ni Duterte sa China sa hinayhinay na’ng pagbalik sa Pilipinas sa sabakan sa Estados Unidos? Wala pay nasayod. Apan ang nangaging aksiyon sa kagamhanan nagpakita nga naglawig kini ngadto sa pag-ayo sa relasyon tali sa Pilipinas ug Amerika.

Sa niaging mga semana, gihatagan ni Duterte og absolute pardon si US Marine Lance Corporal Joseph Scott Pemberton pipila ka tuig human sa pagkakunbikto niini gumikan sa pagpatay sa usa ka transgender nga Filipina didto sa dakbayan sa Olongapo.

Ang aksiyon sa presidente gikahibulong sa uban. Apan adunay mga tigpaniid nga mitag-an nga ang pag-pardon kang Pemberton ug pagsita ni Duterte sa China mora’g peace offering gikan sa Pilipinas ngadto sa Estados Unidos. Hinuon dili imposible nga mobalik ang  maayong relasyon tali sa duha ka nasud.          

PEACE OFFERING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with