Tunglo sa nagkamang nga internet
ARANGKADA - Leo Lastimosa (Banat) - September 25, 2020 - 12:00am

Dihang nitibugsok ang akong signal dayong tapos sa tulomanong Baruganan sa SibyaTV! Sa niaging buntag, gibasol ang akong katihik. Kon wa pa lang unta nagdaginot sa kinabaratohang plan sa Sky Broadband, di unta mauwawan. Apan way nagdahom nga pawngon nilang ABS-CBN ug nga mangahas mi pagsibya sa social media.

Sa wa pa ilusad ang SibyaTV! sa mga kanhi kawani sa DYAB Cebu gidawat na namong daan ang mga limitasyon sa teknolohiya: Mahimong motibugsok ang among signal bisan unsang orasa. Apan di na sukaranan sa pagpabilin sa kinahinayan nakong koneksiyon.

* * *

Maong nagpalaban ko sa Sky Cable ug nangutana unsay alternatibong plan nga akong makuha dayon. Nipasalig sila nga mahimong pil-on og katulo ang akong signal ginamit ang samang modem sud lang sa pila ka gutlo, nga di kinahanglang magpada og representante sa among bay.

Busa sa usa lang ka pamilok, nahitabo ang kausaban nga dugay na nga gi-angan-angan kay gipakaingon nako nga maabtan og siyam-siyam ug maglambigit og daghang papel nga pirmahanan. Kon sama pa lang unta kasayon ang pagpalambo sa kinatibuk-an nga kalidad sa internet connection sa nasud.

* * *

Bisan hagbay ra tang nagduda, nakugang gihapon sa pag-angkon sa kinadak-ang kompaniya sa telepono sa nasud nga ang ilang cell site nga gi-desinyo sa pag-alagad sa 100 ra ka panimay aktuwal nga giilogan sa 4,000 ka pamilya.

Sa kataposan, may klaro nang katin-awan sa kalit nga pagkamang sa internet, pagtiurok sa voice calls ug pagkalangay sa text messages. Apan, sama sa pagbisto sa Facebook nga mga polis ug mga sundawo diay ang trolls, wa mogaan ang atong paminaw.

* * *

Bisan unsaon og pamalibad sa telcos og responsibilidad sa laksot nilang pangalagad, abundang mga sukaranan pagtulisok nila:

Silay nagpatuyang og paibog ug kangkang nga nidawat og bayad sa 4,000 ka subscribers bisan nahibawo nga 100 ray maalagaran sa ilang matag cell site; ug

Dako ang tentasyon sa pagtumpi og dugang ginansiya kay sa pagpalambo sa kinatibuk-an nilang kapasidad kay nahibawo nga, bisan unsaon og yawyaw, way laing kapaingnan ang minilyon ka konsumidor gawas sa duha nila ka higanteng kompaniya kansang determinasyon sa pagpaburot sa mga panudlanan kaambasan lang sa nagbuntaog nila nga kapating ug kamapahimuslanon.

* * *

leolastimosaa@gmail.com

INTERNET
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with