_banat
^

Banat Opinyon

Minyo ang iyang kapuyo

LEGAL CORNER - Atty. Divine Flores - Banat

Dear Atty. Divine,

Duna koy live-in partner ug duna mi duha ka anak. Minyo ni siya apan buwag na ug dunay tulo sab ka anak sa iyang unang pamilya. Karong bag-o nasakit ang akong kapuyo ug ang iyang asawa maoy mibantay  niya sa hospital. Wa ko kabisita sa hospital sa akong kapuyo tungod kay ang iyang unang pamilya ang nagbantay kaniya. Mipadala og text message nako ang iyang unang asawa ug mihulga sa pag-file og kaso batok kanako. Nakagawas na sa hospital ang akong kapuyo ug didto na kini miuli sa iyang unang pamilya. Nabalaka ko sa hulga sa asawa. Ang akong pangutana kun pwede ba ko nga makiha sa iyang asawa bisan kun nagbuwag na sila sa dihang kami nag live-in? Daghang salamat. —Flora

Dear Flora,

Kun kasal sila ug wa pa ma annul sa Korte ang ilang marriage then pwede gyud ka nga ikiha tungod sa  inyong panagtipon ilabi na kun nasayud ka nga minyo siya kay usa man kini ka kalapasan  sa Revised Penal Code. Bisan tuod kun buwag na sila sa dihang kamo nagtipon apan kun wa ma annul ang ilang kaminyuon sa Korte nagpabilin ang ilang marriage. Hinuon, basi sa Article 344 sa RPC, kini nagkanayon nga sa kaso sa adultery ug concubinage kinahanglan nga ilakip sa pagkiha ang offended spouse buot ipasabot nga both parties gyud ang ikiha. Busa kun ugaling ikiha ka sa asawa, kinahanglan nga ilakip sab niya sa pagkiha ang iyang bana. Apan kun pananglit wa ka masayod kaniadto nga minyo diay siya, pwede kini nimong gamiton nga depensa. Busa kun tinud on gyud mo sa pagkiha sa asawa, mas maayo nga inyo nalang kining hangyuon sa pag-withdraw sa kaso pinaagi sa pagpangayo og pasaylo kaniya. Thanks and God bless.  —Atty. Divine

* *  *

Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

PARTNER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with