Dunay “irreparable damages”?
BALITAHOM - Atty. Jose Marie N. Poblete (Banat) - September 10, 2020 - 12:00am

Nagkauyon ang mga  nagdumala sa Regional Inter-Agency Task Force ingon man ang Cebu City Emergency Operations Center sa direktiba nga isipon nga positibo ang mga nangamatay nga kanhi Persons Under Investigation (PUI) samtang gipaabot pa ang resulta sa ilang COVID-19 testing. Daghang naandan nga gimbuhaton ug ritwal ang buhaton sa mga paryente sa namatay nga dili na nila mabuhat kon ideklarar nga COVID ang hinungdan sa kamatayon.  Ni’ng direktiba sa RIATF ug EOC, aduna ba kaha’y tagtungod sa namatyan nga mo-file sa korte og injunction pinasikad sa “irreparable damages”, kon ugaling negatibo sa COVID ang namatay?  Isip-isip!

Abswelto kay amigo?

Gipadayag ni Presidente Duterte atol sa panagtigom sa gabinete nga gi-broadcast live sa TV, nga dako pa ang iyang pagsalig ni Secretary Duque bisan pa man sa nangalisbo nga anomaliya sa PhilHealth diin ang kalihim mao ang Chairman. Mas maanindot unta ang talan-awon sa TV kon susama pa sa nahitabo sa “Katapusang Panihapon” diin gitunolan ni Hesus og tinapay si Judas isip pag-ila nga magbudhi ang naulahi sa Ginoo. Kon gitunolan pa sa Presidente ug tinapay si Duque, makatuaw usab tingale ang Kalihim sa pag-ingon, “Ako ba Ginoo?”.  Pagkatoytoy!

Kon may sala, ikihaaa!

Nunot sa pagpahunong ni Gobernador Garcia sa pag-mina ug pagdala sa dolomite gikan sa lungsod sa Alcoy aron itambak sa Manila Bay, mitumaw gilayon ang daghang mga pundok nga miduyog pagsaway sa maong proyekto sa kagamhanan.  Sama sa hut-ong sa mga iro nga naghulat lang kon adunay mouna, nakahigayon na pagpamaghot kadtong buot mosaway sa proyekto bisan kulang sa rason ug kasayoran.  Dili lang unta kutob sa paghot ug putak ang buhaton sa mga nanaway.  Matud pa sa akong kumpare nga abogado, kon adunay kalapasan, “IKIHAAAA”. Saoonz!

Salig ayaw laum

Andam na nga ipakatap ang 179 ka mga bag-ong force multipliers sa Cebu City Police Office nga gitawag og Task Force KASALIGAN, human sila mopaubos sa upat ka adlaw nga pagbansay-bansay.  Ang maong Task Force motabang pagpatuman sa mga health protocols labi na sa mga barangay nga padayon nga mitala ug mga kaso sa COVID-19.  Sumala sa ilang ngalan, kasaligan tingale ang Task Force, apan ang pangutana, MOLAHUTAY BA? Matud pa sa akong apohan, “Salig, apan ayaw’g laum”.  Madahaan!

Giklaro ra ang tataw

Taliwala sa kabalaka nga gidali-dali ra ang pag-develop sa bakuna batok sa COVID-19, mipasalig ang World Health Organization (WHO) nga dili kini mo-endorso sa bakuna nga wala pa maprobahi ang kaluwas ug kaepektibo niini. Bisan gani kon ibandilyo pa sa kagamhanan nga luwas ang bakuna, aduna pa man gani kahadlok ang tawo, samot na kon wala kini pag-endorso gikan sa awtoridad. Mora’g gi-klaro lang sa WHO ang klaro na daan.  Balik lang gihapon ang katawhan sa slogan: “Kon ayuda linyahan, kon bakuna, likayan”.  Hala no!

REGIONAL INTER-AGENCY TASK FORCE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with