Dear Atty. Divine,
Ang akong mama dunay anak sa una sa iyang karelasyon ug karon 26 anyos na ang bata. Ang amahan sa maong anak nga lalaki sa akong mama tua karon magpuyo sa Australia. Naa siya'y mga properties ngadto ug naa sad siya'y properties sa Cebu ug sa Manila. Ang igsuon sa amahan gusto unta nga maka-claim sab sa iyang rights ang maong illegitimate son. Apan unsa may angayan namo buhaton nga wa man siya ma-acknowledge sa iyang amahan kay pagpanganak sa akong mama didto man sa Libya nagtrabaho ang amahan. Asa man mi dapat moduol? Daghang salamat. —April
Dear April,
Ang illegitimate nga anak nga wa ma-acknowledge sa amahan sa iyang Birth Certificate pwede ra nga ipa- acknowledge sa papa pinaagi sa pag-execute sa amahan og Affidavit of Paternity nga nag-acknowledge sa iyang illegitimate child. Ang maong Affidavit i-submit sa Local Civil Registrar diin narehistro ang bata aron kini ma annotate sa iyang birth certificate. Kun willing ra nga mohimo niini ang amahan sa Australia then mo-execute siya og Affidavit ug adto niya panotaryuhan sa Phil. Embassy sa Australia ang maong Affidavit then mao kini ang inyong i-submit sa Civil Registrar dinhi sa Pilipinas. Kun ma-annotate na kini sa birth certificate, proof na kini nga gi-acknowledge na ang bata sa iyang amahan ug duna na unya siya'y katungod nga mo inherit sa iyang papa. Thanks and God bless.—Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.