Hikog dili the end
JAV BANATI - Javier Yntig Tapulado (Banat) - August 28, 2020 - 12:00am

Ang kinabuhi sa tawo usa ka sagradong gasa gikan sa Ginoo. Dili kini ato. Igo ra Niya kining gipahulaman. Busa, angay ampingan.

Usa sa duha ka kinadak-ang sugo gikan Kaniya, nagkanayon: “Higugmaa ang imong isig ka tawo sama sa paghigugma sa imong kaugalingon.” Nga sa ato pa, ang paghikog usa diay ka dakong sala ug dili gayod mapasaylo.

Ngano? Tungod kay kon unsa ang gibuhat nato ngadto sa atong isig ka tawo o sa atong kaugalingon mismo, sama ra nga gibuhat nato kini ngadto sa Ginoo. Sa laktod, kon patyon nato atong kaugalingon, pareha ra nga gipatay nato ang Ginoo.

Dili ba ang sugo Niya, gugma? Unya, gugma ba diay ang paghikog? Unsaon man nato pag-adto sa langit kon supakon nato ang Iyang mga sugo?

Ning kalibotan nga atong gipuy-an, pirmeng masinati ang nagkalainlaing matang sa suliran sa kinabuhi. Sa balay, trabahoan, eskuylahan ug sa bisan asang dapit.

Kitang tanan gitagaag krus sa Ginoo aron pas-anon sa inadlaw tang pagpakabuhi. Mga pagsulay nga angay dawaton ug pasaron.

Apan adunay wala makaantos sa kagutom, kalisod ug kapait, naghikog! May pipila, kinsa nawad-ag trabaho, kapanginabuhian, unya gi-COVID-19 pa gyod, naghikog! May bana nga mipatay’g asawa, naghikog!

Sagad kanila, nagtuo nga ang hikog maoy hingpit solusyon sa tanang dagkong problema. Kay dungan kuno sa pagkamatay, nagtuo nga matapos sab dihadiha ilang mga pag-antos.

Apan usa ka dakong sayop kining pagtuoha. Kay ang tawo naglangkob baya sa lawas ug kalag. Lawas ray mamatay ug madugta. Pero ang kalag magpabiling buhi forever. Ug duruha ray puntahan inig kamatay sa tawo: impiyerno, o langit.

Kon nakapasar ta sa Iyang eksam ug wala mosalikway sa krus nga Iyang gipapas-an, kita maha-Langit. Perog hagbong, unya gisalindot ug giputlan pa gyod ang krus, aw, impiyerno!

Nga sa ato pa ang hikog, dili diay the end. Kon dili, a new beginning after the end. Kini tungod kay ang lawas ray ibilin sa kalibotan samtang ang kalag mopadayog puyo ngadto sa sunod nga kinabuhing wala nay kinutoban.

Ang hikog dili ‘the end’ sa pag-antos. Sanglit ang pagbuhat sa ingon, makapatambog man hinuon sa naghikog ngadto sa kalayong nagdilaab, diin ang pag-antos wala nay pagkatapos.

GINOO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with