^
EDITORYAL - Mga badlungon sa barangay

EDITORYAL - Mga badlungon sa barangay

(Banat) - August 25, 2020 - 12:00am

Napulo ka mga barangay sa Cebu City ang giila nga adunay kinadaghanang nangadakpang mga quarantine violators. Nganong napulo ra man, nganong kinahanglang top ten ra gyud?

Mao man kini kanunay ang sukdanan sa mga maayo o salikwaot nga “pinaka” o “kina” mao nga kutob ra diri ang gitan-aw.  Si Konsehal Dave Tumulak miingon nga kining maong mga violators nadakpan sugod pa niadtong Agosto 1 nga unang adlaw sa general community quarantine sa Cebu City hangtud sa Agosto 15.

Maayo nga gipanganlan ni Tumulak ning mga barangaya aron mapangitaan og paagi sa mga kapitan kun unsaon pagpasunod sa mga tawo sa health protocols.

Ang maong mga barangay mao ang Barangay Lahug, Labangon, Guadalupe, Banilad, Punta Princesa, Sambag 1, Sambag 2, Mabolo, Talamban ug Hipodromo.

Matud pa dinhing mga barangaya ang daghang nangadakpan gikan Agosto 1 hangtud Agosto 15. Pagsugod sa Agosto16 dunay mga barangay nga napitol ang mga badlungon apan duna say bag-ong nadugang.

Sugod Agosto 16 hangtud kagahapong adlawa nagpabilin sa listahan ang Sambag 1, ug Punta Princesa apan napuno ang Suba, Calamba, Ermita, Mambaling, Carreta, T. Padilla, Punta Princesa, Basak Pardo ug Lusaran.

Kaning mga barangaya pulos tanan adunay mga kaso sa novel coronavirus, apan daw wala sa bokabolaryo aning mga nangadakpan ang pagpakabana.

Sagad sa mga violations mao ang wala pagdala og quarantine pass o dili mao ang adlaw nga nakabutang sa ilang pass aron makagawas, wala magsuot og facemask, wa mag social distancing ug duna say uban nga nakalapas sa curfew. Busa, maayo tingaling higpitan pa og gamay sa mga kapitan ang pagpatuman sa mga minimum health protocols diha sa ilang dapit.

Dili lang sa passive nga pamaagi sama sa pagpanakop, maayo sab ang active campaign pinaagi sa pagrekorida pagpahinumdom.

Bahala na og puol paminawon aron kanunay dumdomon sa mga tawo tungod kay kun mokatap ang COVID-19 sa ilang dapit apektado man tanan apil ang nagtinarong.

Ang pagpakabana dili kinahanglang buhaton para sa kaayohan sa uban, para sab kini sa kaugalingon ug sa pamilya. Apan nganong lisud kining padutlon sa hunahuna sa uban?

BARANGAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with