Hinay nga internet koneksiyon

Matud pa sa World Population Review, ang Taiwan mao ang adunay labing kusog nga internet koneksiyon kun basihan ang internet speeds by Country 2020.

Ang Taiwan adunay average download speed nga 85.02 megabits per second. Kapin 23 milyones ka mga tawo sa Taiwan ang nakapahimulos sa ilang average download speed nga 85.02 Mbps ug ang 5GB nga salida sa Taiwan ma-download lamang nila kini sulod sa walo ka minutos ug duha ka segundos.

Nagsunod sa Taiwan ang Sngapore nga adunay 70.86 nga Mbps ug gisundan usab kini sa Jersey nga adunay 67.46 samtang nahimutang sa ika-upat nga dapit ang Sweden nga adunay 55.18 megabits per second. Apan basi sa datus nga gihatag sa Ookla, ang Singapore mao ang adunay pinakakusog nga broadband download speeds. Ang gikusgon sa internet sa Singapore mokabat ngadto sa 153.85 Megabits per second. Sobra pa sa gikaduha niini ka pilo ang gikusgon sa Amerika nga adunay broadband download nga nga 75.94 megabits per second.

Dinhi maingon nato nga ang Taiwan ug Singapore ang nag una sa mga nasud nga adunay pinaka kusog nga internet koneksiyon sa tibuok kalibotan. Ang Amerika nahimutang lamang sa ika 15 nga dapit samtang ang United Kingdom nahimutang sa ika 33 sa Global League rankings.

Pito sa napulo ka mga nasud nga adunay pinaka kusog nga internet anaa nahimutang sa Europe diin ang pinaka kusog gikan sa isla sa Jersey nga adunay gikusgon nga 67 megabits per second o tulo (3) ka pilo ang gikusgon niini sa United Kingdom. Ang nag unang napulo ka mga nasud kun hisgotan ang gikusgon sa internet naglangkob niinining mosunod: Taiwan, Singapore, Jersey, Sweden, Denmark, Japan, Luxembourg, Netherlands, Switzerland ug Norway.

Ang Yemen mao ang nasud nga adunay pinakahinay nga internet koneksiyon sa tibuok kalibotan diin molanat og 30 minutos ang pag download sa maong dapit og 5GB movie gikan sa 300 Kbps nga internet koneksiyon.

Ang Pilipinas nahimutang sa ika 96 nga dapit nga adunay kusog nga internet connection.