Dear Atty. Divine,
Ang akong igsuon nagtrabaho sa gawas sa nasud. Ang iyang asawa atua magpuyo sa ilang probinsya kuyog sa iyang mga ginikanan kay gibalayan man kini sa akong igsuon ug wa pa sab silay anak.
Lately, nakadawat ko og text gikan sa akong amiga nga iya daw nakit an ang akong sister-in law nga naay laing kuyog nga lalaki sa usa ka beach resort. At first, wa ko motuo but iya ko gipadad-an og picture nga sweet kaayo ang duha nga nangaon. So, mi try ko og contact sa akong amiga nga silingan sa akong sister-in law ug mi-confirm siya nga dunay karelasyon ang akong sister-in law ug panagsa ra gani kini mouli sa ila.
Wa nako sultihi ang akong igsuon kay nahadlok ko kun unsay iyang buhaton kun iya kining mahibaw an. Apan gusto nako nga hatagan og leksyon ang babaye pinaagi sa pag-file og kaso batok kaniya, ang akong pangutana kun mamahimo bang ako ang mo file ug kasong adultery batok sa akong sister-in law? Daghang salamat.
Nenita
* * *
Dear Nenita,
Kun adunay lig-ong ebidensya nga nagkigrelasyon gyud og laing lalaki ang imong sister-in law then mamahimo gyud siyang mapasakaan og kasong adultery. Apan dili ikaw ang mamahimong mopasaka niini kondili ang iya gyung bana nga maoy offended party. Ang adultery nga kaso mamahimo lang mapasaka sa offended party batok sa iyang kapikas ug sa karelasyon niini. Busa kinahanglan gyud nimong sultian ang imong igsuon aron siyay modesisyon kun iya bang pasakaan og kaso ang iyang asawa or dili. Thanks and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.