Polis maningka?
RENBOR PATROL - Rene U. Borromeo (Banat) - July 4, 2020 - 12:00am

Maluoy gyud ko sa mga tawo nga gipanghatagan og Quarantine Pass gikan sa lainlaing barangay dinhi sa Dakbayan sa Sugbo apan ingnon lang sa kapolisan nga FAKE ang ilang mga Q-pass.

Daghan sab ko og report nga nadawat nga dunay mga polis nga Tagalog ang sinultihan ug mga sakop sa Special Action Force (SAF) nga kon mosita sa mga tawo kusog kaayong maningka, nga mora’g hawod na lang gyud kaayo.

Angay unta og pasidan-an ni Brigadier General Ignatius Ferro ang maong mga polis nga dili maningka sa mga tawo, kay imbes modayeg ang katawhan kanila, sawayon na hinoon sila, ug apil na si Presidente Duterte.

Ang isyu nga kanunay’ng lantugian mao ang kabahin sa Quarantine Pass nga kuwang kaayo ug daghan sa mga lumolupyo sa siyudad sa Sugbo ang wala hatagi. May gihatagan nga gisakmitan sa ilang QP kay kuno “fake.”

Mailhan kuno ang original QP nga giisyu sa City Hall kay sinaw ang sticker, apan nakakita gyud ko nga daghang mga pass nga nakuha sa pipila nako sa kaila, gikan sa mga barangay sama sa Busay, nga dili man sinaw ang sticker?

Gikomedyahan na lang gud nako sila nga pahiran na lang ni og mantika ang sticker aron mosinaw. Nakaingon ko nga pagkadako ba nga hasol niining pagkabutanga, ug way sala ang mga tawo apan nahasol-hasol pag-ayo.

Kon duna may ubang mipa-zerox or mipa-photo copy sa mga QP sa pamasin nga makalusot, apan dili kini daghan. Gihimo nila ni kay wala man sila hatagi og QP nga ilang magamit.

Si Mayor Edgar Labella sab, atol sa press briefing niadtong miaging adlaw, sulod-gawas man sa iyang pamahayag nga kuno mahimo ra nga pahuwam-huwaman ang mga QP, apan diha say higayon nga miingon siya nga dili mahimo kay dakpon ni sa mga polis.

Naglibog tawon ang mga media. Kining maong problema nagsukad ra gyud kay wa man hatagi og tagsa ka QP ang kada “household” aron magamit sa usa kanila kon mogawas pagpalit sa ilang panginahanglanon.      

Kon ako pay opisyal, motingog gyud ko aron nga ang akong mga constituents dili mabutang sa kahasol. Sayonan ka ba gud, wa pay trabaho, wala pa gani makadawat sa bugas nga tabang gikan sa siyudad, ug gilisud-lisud pa?

Bi, kamo kuno sa lugar niining mga tawhana kon dili ba kamo moreklamo? Ang problema sa pagdagsang sa COVID-19 cases angay nga atong tabangan pagsulbad, apan ayaw sab hikawi ang katawhan nga bisan sa paggamit sa katapusang sentimo nga nahibilin kanila, aron ipalit nila’g pagkaon, inyong did-an?

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with