Motor maangkasan na unya
RENBOR PATROL - Rene U. Borromeo (Banat) - June 23, 2020 - 12:00am

Pipila ka adlaw gikan karon, posible nga aprobahan na sa Department of Transportation (DOTr) nga pwede na nga maka-backride sa mga motorsiklo, apan pagka karon para lang usa sa mga sakop sa pamilya nga nag-drive sa motor.

Sigurado ko nga daghan gyud kaayo ang mopagakpak sa kalipay niining mao nga kalamboan kay mahimo man nga sayon na lang sa mga sakop sa pamilya ang pagbiyahe aron mangompra sa ilang mga palitonon.

Tingali, yam-iran kini sa mga driver og “habal-habal” kay dili man gihapon sila matugotan nga makapasakay og dili sakop sa ilang pamilya.

Ang mga driver og motorsiklo nga gitawag og “habal-habal” mahimo nga makapa-backride apan ila ra nga mga sakop sa pamilya.

Para nako, nindot na kini nga kalamboan kay sa did-an gyud ang mga sakop sa pamilya nga makaangkas sa mga motor nga gimaneho sa ilang mga bana, amahan o kaha igsoon.

* * *

Ang pangutana, unsaon pagsiguro nga ang nag-angkas sa motorsiklo, sakop ba gyud sa pamilya sa driver? Kini mao nga punto, padayon pa nga gituki sa Technical Working Group (TWG) sa DOTr. Pero kon ako’y pangutan-on, duna ko’y pipila ka sugyot.

Ang labing sayon mao ang pagpangita og mga ID nga ang driver ug ang tawo nga nag-angkas sa gimaneho niyang motor, susama og apilyedo. Pagmatuod kini nga ang nag-angkas asawa, ug anak sa driver.

Apan kon puyo-puyo lang ang nag-angkas kay wala sila makasal? Unsay angay nga ipakita nga dokumento? Dili man sab tingali maayo nga abi kay ang kapikas sa kinabuhi, dili na lang pasakyon abi kay wa sila makasal?

Kon ingon gani niini nga sitwasyon, maayo tingali nga ang maong magtiayon nga nagpuyo-puyo lang, mokuha og “certification” gikan sa barangay kapitan sa dapit diin sila nagpuyo aron maoy momatuod nga sila tinuod gyud nga magtiayon. Di ba maayo?

* * *

Matag higayon nga makakita ko og hulagway sa mga tawo nga naglakaw ug nagpas-an intawon sa ilang mga pinalit kay way masakyan, bisan og motorsiklo na lang unta atol ning panahon sa ECQ, mobati gyud ko’g kaluoy.

Dili sayon ang ilang sitwasyon. Maayo man gud kining mga opisyal sa TWG ug DOTr kay dili man sila maglakaw, kay duna man sila’y mga sakyanan. Usa kini sa rason ngano nga wala nila makita kining maong problema sa mga kabus.

Kon mga pobre pa lang unta ang mga naglangkob sa TWG sa DOTr, sigurado ko nga makasabot sila og unsay dakong sakripisyo sa mga tawo nga way kasakyan ug masakripisyo tungod sa “bogo” kaayong mando sa IATF.

Sakop sa pamilya dili paangkason sa motor, apan sa balay magkauban ra man sila?

MOTOR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with