Di andam sa GCQ
LINTUNGANAY - Fred P. Languido (Banat) - June 18, 2020 - 12:00am

Tinguha ni Cebu City Mayor Edgardo Labella nga moapelar ngadto sa Inter-Agency Task Force on Emerging Infectious Diseases (IATF-EID) nga ipadayon lang ang mas lugak nga general community quarantine inay nga ipaubos pagbalik sa enhances community quarantine ang dakbayan hangtud sa Hunyo 30.

Matud ni Labella nga bisan ang dakbayan maoy dunay labing daghan nga kaso sa COVID-19 sa tibuok nasud, apan maayo ang recovery rate sa mga pasyente ug dyutay ra sab ang nangamatay.

Ang labing awahing datus sa city health department pagsuwat ko niining lindog nagpakita nga ang syudad sa Sugbo dunay total nga 3,814 ka kaso sa COVID.

Sa maong gidaghanon 1,851 nalang ang nagpabilin, ang 1,924 nakarecover na sa sakit samtang dunay 41 nga namatay.

Apan lahi ang gitan-aw nga basihanan sa IATF nganong gipaubos niini pagbalik ang dakbayan sa ECQ inay nga mogradwar na unta sa mas lugak nga quarantine status.

Matud sa IATF nga gawas nga kitay labing daghan og kaso, dako ang atong problema asa ibutang ang mga masakiton.

Nadiskubrehan sa mga sakop sa IATF nga miduaw dinhi sa Sugbo nga nagsugwak na ang mga pasyente sa atong mga tambalanan.

Gani ang uban nila giingon nga nangamatay tungod kay dili na dawaton sa tambalanan tungod kay wala nay kabutangan.

Wala ni angkona sa mga opisyal sa dakbayan. Matud ni Mayor Edgardo Labella gawas sa mga tambalanan dunay quarantine facilities nga gitukod ang dakbayan nga mahimong kabutangan nila.

Apan ang pangutana duna ba ni mga doktor ug nurses nga moatiman sa pasyente? Duna bay igong mga ventilators alang sa kritikal nga mga pasyente?

Kun atong itandi ang gidaghanon sa active nga mga kaso sa COVID-19 dinhi sa dakbayan ug ang gidaghanon sa mga gitagana nga luna alang sa mga pasyente sa COVID-19 diha sa mga tambalanan, tataw ang dakong kakuwangan.

Sigun sa city health, niadtong Hunyo 16 dunay 1,851 ka active COVID-19 cases ang dakbayan.

Apan sigun sa talaan nga gihatag sa Office of the Presidential Assistant for the Visayas (OPAV) ang kinatibuk-ang gidaghanon sa hospital beds nga gitagana sa COVID-19 anaa lang sa 504 samtang 73 ka mga ICU beds alang sa kritikal nga mga pasyente.

Asa man nato ibutang ang sobra nga pasyente? Kini maoy hinungdan nganong dunay mga taga-dakbayan sa Sugbo nga naabot intawon sa tambalanan didto sa Lapu-Lapu.

Lisud tinuod alang sa ekonomiya nga mobalik sa ECQ, apan dili andam ang dakbayan sa mas lugak nga quarantine status.

Angayang unahon pag-atiman sa mayor unsaon makontrolar ang padayong pagpanakod sa kagaw.

GCQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with