Bike lane
SAKSAK SINAGOL - Lucky P. Malicay (Banat) - June 10, 2020 - 12:00am

Maayo kining plano ni Mayor Edgardo Labella sa dakbayan sa Sugbo nga maghimo og mga bike lane sa siyudad. Kun matuman kini, dako kaayo kini og ikatabang alang niadtong mga bike enthusiasts sa ilang inadlaw nga pagbiyahe sulod sa dakbayan.

Nakita ni Labella ang dako kaayo nga panginahanglanon sa bike lane palibot dinhi sa dakbayan, ilabina alang niadtong mahiligon sa pagmintenar sa maayong panglawas pinaagi sa inadlaw nga paggami og biseklita.

Dili lamang kana. Nakita usab sa mayor ang dako nga panginahanglanon sa bike lane sa panahon nga walay magdagan nga pangpublikong sakyanan sama sa jeepney o taksi nga atong nasinati sa kasamtangan.

Gani, niining pagratsada sa makamatay nga coronavirus disease sa Sugbo, atong nakita ang dakong suliran sa pangpublikong transportasyon tungod niining implementasyon sa community quarantine sa dakbayan ug tibuok lalawigan.

Niining panahona nga walay mga jeepney, taksi ug habalhabal ang mopasada sa kadalanan tungod sa COVID-19, bugtong biseklita lamang ang gisaligan sa pipila sa ilang paglihoklihok, ilabina sa ilang inadlaw nga trabaho.

Sa iyang post sa Facebook, nagkanayon si Labella nga mag-umol siya og usa ka grupo nga maglangkob sa mga opisyal sa dakbayan ug mga bike enthusiasts. Tumong sa maong grupo ang pagtuon sa mga lugar diin mahimong kabutangan og mga bike lane.

Matud sa mayor nga ilalum sa “new normal” human molurang unya ang coronavirus pandemic, dako og ikatabang ang mga bike lane gumikan kay nagkadaghan na man unya ang mogamit og biseklita sa ilang inadlaw nga gimbuhaton.

Maayo kini nga proyekto sa mayor ug sa lokal nga pangagamhanan sa dakbayan. Kay lagi daghan na ang mahadlok nga mosakay sa mga jeepney kay mahadlok nga mataptan og sakit, ato unya nga makita ang pagsugwak sa gidaghanon sa mga mobiseklita sa siyudad.

Gani, bisan sa mga nanglabay nga administrasyon, hagbay ra nga mi-lobby ang mga mahilig mobiseklita og sarang nilang kaagian. Apan kutob ra sila sa pagpahungaw sa ilang gibati tungod kay wala gayud miaksiyon ang lokal nga pangagamhanan niining ilang panawagan.

Panahon na nga matuman ang gipangandoy sa uban nga adunay mga bike lane, dili lang sa dakbayan sa Sugbo kondili hasta sa mga urban areas sa Metro Cebu. Panahon na nga mohangop kita niining maong sistema nga hagbay rang gisagop sa ubang kanasuran.

BIKE LANE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with