Kataw-anan si Secretary Año
RENBOR PATROL - Rene U. Borromeo (Banat) - June 4, 2020 - 12:00am

Mga utokan, kun mga “bright,” sila si DILG Secretary Eduardo Año ug ang mga opisyal sa Inter-Agency Task Force (IATF) for COVID-19, apan ang nakaapan lang kay wa nila gamita ang ilang mga utok.

Ang ubang tawo nagtuo pa gani nga wa sila’y utok tungod sa kamandoan nila nga ang mga asawa ug mga anak, dili paangkason sa motorsiklo nga gimaneho sa ilang mga bana ug mga amahan, o kaha sakop sa pamilya, kay matakboyan kuno og COVID-19.

Dili na lang nako ipasabot nganong kataw-anan ang pagdili nga makaangkas sa motor ang mga asawa, ug mga anak. Naa sa’y ubang mga opisyal nato sa LTO, ug bisan na si Secretary Mike Dino, mora sab og way umoy nga dili makapasabot ngadto nila ni Año.

Aw, tingali, kini si Año ug Dino, apil ang mga opisyal sa IATF nga nagmando nga dili paangkason ang mga asawa sa motor sa ilang mga bana, basin og dili ni sila minyo mao nga kataw-anan ang ilang argumento. Kon ako’y presidential assistant ug ingon man DILG Secretary, pasabton gyud nako ang presidente nga dakong kataw-anan ang gihimo sa IATF. Apan unsay gihimo ni Año, misuporta hinoon sa kataw-anan nga gihimo sa IATF.

Tiaw mo nga matud ni Año patauran ra kuno og sidecar ang motorsiklo aron adto mosakay ang mga asawa ug anak? Unya, inigkanaog sa mga asawa kon moabot na sa balay, mag-agbayay pa ug ang ilang bana ug maggakus. Sus, gamita ang utok uy!

* * *

May mga opisyal ug kawani na sa kabarangayan dinhi sa dakbayan sa Sugbo, Mandaue ug Lapu-Lapu, ingon man sa ubang dapit sa rehiyon, nga gipasakaan og kaso tungod sa pagpataka’g lista sa mga gihatagan og Social Amelioration Program (SAP) cash assistance.

Para nako, angay lang gyud sila nga ikiha kay mitugot man sila nga ang kuwarta sa gobiyerno nga para itabang ngadto sa mga nanginahanglan gyud, adto hinoon mahatag sa mga kwartahan. Daghan kaayong mga kwartahan nga nakakubra og SAP.

Sayonan ka nga sa Lapu-Lapu City, ang social worker miapil sa mga sakop sa iyang pamilya, ug apil na ang uyab sa iyang anak? Pagka salbahis! Angay kini nga pabayron pagbalik sa kuwarta nga nahatag ngadto sa mga “unqualified beneficiaries” ug prisohon, taktakon sa serbisyo.

Pagka karon, 12 na ka kapitan ug upat ka konsehal sa barangay dinhi sa dakbayan sa Sugbo ang gikiha sa kadagkoan sa Criminal Investigation and Detection Group (CIDG).

Hinuon, wa ko makaila kon kinsa kining maong mga opisyal kay wa man sila mobutyag sa mga gikiha nila. Hala, paspasi mga sakop sa CIDG ang pagkiha sa mga abusado.

EDUARDO AñO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with