Way katungod nga mo-inherit kun wa moagi sa korte ang pagsagup
Dear Atty. Divine,
Duna koy pangutana labot sa house and lot sa akong auntie. Wa siya maminyo ug naa ko nagdako niya sukad sa akong pagkabata apan wa mi adoption paper. Naa koy uncle nga nangigi nako.
Gusto unta ko nga paliton ang maong house and lot pinaagi sa data-data. Unsay angayan nako nga buhaton aron di mi magkagubot kun wala na ang akong iyaan? Daghang salamat.
May
* * *
Dear May,,
Tungod kay wa ipaagi sa Korte ang pagsagup nimo hayan di gyud ka maka inherit sa kabtangan sa imong iyaan bisan pa kun giisip pa ka niya nga anak. Hinuon mamahimo nga mo execute og Last Will and Testament ang imong iyaan aron ang maong house and lot mapunta nimo kun wala na siya apan posible gihapon nga magkagubot mo kay mamahimo man nga mosupak ang imong mga uyuan ini’g probate sa Korte sa iyang Last Will.
Busa ang maayo nimong buhaton mao ang pagpalit nalang sa maong house and lot samtang buhi pa ang imong iyaan. Kun mosugot imong auntie nga imong paliton pinaagi sa data data labing maayo ug kun ma fully paid na nimo kini mamahimo na nimong ma-transfer ang titulo sa maong property ngadto sa imong pangan. Dapat imong i-fully paid samtang buhi pa ang imong iyaan aron imo kini dayong ma-transfer sa imong pangan. Thanks and God Bless.
Atty. Divine
* * *
Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest