Mga pinalabi
AMBOT LANG - Gerry Auxilio (Banat) - April 7, 2020 - 12:00am

Daghan ang nagreklamo sa tabang nga gihatag sa mga lokal nga kagamhanan sa nasud. Ang ilang reklamo nakasentro sa dili patas nga paghatag tungod kay matud pa nila gipili lamang ang gipanghatagan. Sa laktod nga pagkasulti, adunay pinalabi ug gipalabi sa paghatag sa ayuda.

Gipasanginlan sa mga nagreklamo nga gipamolitika ang tabang nga gihatag ug maoy nagpusnga sa pagpanagang sa mga biaybiay, pamalikas ug pangaway ang mga opisyal sa barangay nga maoy gisangonan sa pagpatuman sa kamandoan sa sa lungsod ug siyudad.

Sama pananglit sa dakbayan sa Sugbo. Ang dakbayan nanghatag og tag 25 ka kilo nga bugas humay ug food packs. Apan giklaro sa mga opisyal ni Mayor Edgardo Labella nga ang pahatagan kadto lamang mga anaa mahimutang sa labing ubos nga hut-ong sa katilingban ug kadtong grabi gayod nga naapektohan sa Coronavirus Disease 19 o COVID-19.

Depende sa gidak-on sa nagpuyo sa barangay gibasi ang bugas nga gigahin aron mahatag ngadto sa mga hataganan basi sa gilatid nga patakaran sa siyudad. Apan ang bugas nga gigahin sa siyudad ngadto sa kabarangayan dili gayod makaigo. Mao pod ang food packs. Kun ikaw ang opisyal sa barangay unsaon man nimo kini pagpasabot sa mga tawo nga dili mosabot tungod kay pulos nangangkon nga naapektohan sa COVID-19.

Sakto ang reklamo. Aduna gayuy gipalabi sa gihatag nga tabang sa gobyerno ug mao kini ang angayan nga masabtan sa mga tawo nga nagreklamo.

Walay wala maapektohi sa COVID - 19 apan ang tabang nga gihatag sa gobyerno alang lamang niadtong pinaka-ubos sa hut-ong sa katilingban ug grabi gayod nga naapektohan. Ang buot nga ipasabot niini sa gobyerno mao nga kadtong makapalit pa og makaon ug wala maundang ang ilang suweldo dili hatagan ilabi na gayod kadtong mga dato.

Ang problema lang kay adunay pipila ka mga datu nga gusto usab nga modawat sa gihatag sa gobyerno ngadto sa mga pobre.

PINALABI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with