Dear Atty. Divine,
Duna koy pangutana kun pwede ba makapahamtang og silot ang gobiyerno sa mga person under investigation or PUI og person under monitoring kon PUM sa Covid-19 kun pananglit mosupak sila sa mandatory quarantine? Daghang salamat.
Ronald
* * *
Dear Ronald,
Even before the Covid-19, aduna na tay balaod nga gipasar nga mao ang Republic Act 11332 kon Law on Reporting of Communicable Diseases.
Sa maong balaod, basi sa Section 9 (e) kini nagsilot alang niadtong adunay sakit nga makatakod nga di mo cooperate sa atong gobiyerno.
Ang silot sa mapamatud-an niini mao ang multa gikan sa P20 mil ngadto sa P50 mil ug pagkabilanggo sud sa usa ka buwan ngadto sa unom ka buwan. Busa kun ang usa ka PUI ug PUM mo violate sa self-quarantine pwede siyang mapasakaan og kaso. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.