Gitaktak sa trabaho

Dear Atty. Divine,

Nagtrabaho ko sa usa ka kompaniya  ug gumikan sa Covid -19 naapektuhan  pag-ayo ang among operasyon ug nanaktak og trabahante ang among company ug usa ko sa nataktak.

Gihatagan nuon mi og separation pay. Ang akong pangutana kun pwede pa ba mi mo apply og balik sa among company kun mahibalik na sa normal ang operasyon  sa company?

Husto ba ang gibuhat sa company sa pagtaktak kanamo? Daghang salamat.

Jean

* * *

Dear Jean,

Basi sa Labor Code, ang kompaniya mamahimong manaktak og trabahante kun nagkalisud na kini. Apan kinahanglan nga iagi gihapon kini  sa due process sama sa paghatag og notisya sa employee ug kinahanglan sab nga  hatagan kini og separation pay ug 13th month pay.

Kun mahibalik sa normal ang operasyon mamahimo ka nga mo apply pag usab sa company apan magdepende sab kini imong employer kun i-hire ba ka pagbalik. Thanks and God bless.

Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.