Bahalol
MGA LAMAS SA KINABUHI - Fr. Rey Cui (Banat) - March 14, 2020 - 12:00am

Sa dihang didto mi sa Holy Land ang among driver nga si Edmund sa Kingsway Tours ang niangga kanako sa ngalan nga Bahalol. Abona Bahalol nga sa ato pa Padre Bahalol.

Kini tungod kay matud pa niya manggihunahunaon gyud kuno ako. Hasta ang akong mga kauban niadtong tungora nitawag kanako og Bahalol. Sa dihang gipangutana ko si Simon ang among Tour Guide igo lamang siya sa pagpahiyom.

Sa dihang niabot mi sa Jordan ang among Jordanian Tour guide nga si Rasha akong gipangutana. Ang tinuod nga kahulogan sa pangalang Bahalol daw susama sa Clown. Kataw-anan gyud diay tingali ko og nawong. Kini gyud si Edmund kaayo gyung….. ambot!

Apan sa akong pagpamalandong sa dayon na namong pauli. akong nakita nga dunay kamatuoran usab ang maong panahom. Kaha tungod sa akong pamiste. Dili man gud ko partikular kun unsay akong sul-obon. Sa laktod baduy kuno ko.

Dili sama sa uban nga maayo kaayong modala og panaput, dunay taste, dunay class. Tukma usab nga sa hataas nga biyahe sa among pagpauli akong gitan-aw ang salida kang kansang ulohan: Joker. Sugilanon kini sa tawo nga dunay Excessive Laughing Disorder.

Matud pa sa mga sikolihista nga ang maong pagkatawa bisan kun way hinungdan timailhan lamang sa sulirang mental ug uban pang dunay kalambigitan niini. Mao diay intawon nga kadto si Joker bisan kun trahedya ang nasinati mokatawa lang sa gihapon. Pagkapaet.

Sa laing bahin, paagi pud kini sa pagpakita sa iyang tinguha nga maluwas sa depresyon. Mao nga tinuod gyud diay ang giingon sa awit sa Missing Felimon. Luyo unya sa akong katawa, tan-awon ta og may kalipay ba……

Kusog  kaayo tang mo crack og jokes without knowing nga kita mismo mga joker sa atong kaugalingong pamaagi. Joker tungod kay himoong trivia ang bisan unsang seryoso apil na ang kinabuhi. Apan ang pangutana mao nahimo ba kitang seryoso usab sa atong padulngan. Ang awit sa Bee Gees nagdapit kanato sa pagsuhid ning mosunod:

I started a joke which started the whole world crying

But I didn’t see that the joke was on me oh no

I started to cry which started the whole world laughing

Oh If I’d only seen that the joke was on me

I looked at the skies running my hands over my eyes

And I fell out of bed hurting my head from things that I said

‘Till I finally died which started the whole world living

Oh if I’d only seen that the joke was on me

Kun ako nahimong Bahalol alang kang Edmund hasta pud siya nahimong Bahalol kay hangtud karon malisud alang kaniya ang pag move on sa mga kapakyasan sa iyang kagahapon.

BAHALOL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with