Pagpa-moderno sa Carbon market

Ato na kining nahisgutan dinhi, sa diha nga una kining namantala pila na ka bulan ang nilabay. Tapus niadto, namingaw ug wala nay naghisgot bahin niini bisan sa side sa City Hall ug sa buot mopatuman niini.

Ug karon, kining namantala sa The Freeman: “A joint venture committee is winding up its review on another proposal seeking to modernize Cebu City’s Carbon Public Market.” Duna diay laing proposal?

Ang Megawide Construction Corp. misumiter sa ilang unsolicited proposal ngadto sa dakbayan sa Sugbo sa niaging tuig pag-modernize sa merkado sa Carbon ug sa Freedom Park, ug pag-renovate sa building sa Compania Maritima.

Ang Megawide Construction usa ka kompaniya sa infrastructure atua mag-basi sa Quezon City ug nagtukod og mga residential ug commercial buildings, airport infrastructures, ug renewable energy plants. Kabahin kini sa GMR-Megawide Cebu Airport Corp., usa ka consortium nga maoy nag- manage ug nag-develop sa Mactan-Cebu International Airport.

Matud ni i Jonil Matuguina, city market administrator, nga ang maong proposal gi-review pa sa technical group sa city  hall ug kini anaa na sa finishing touches.

Kon ang Megawide maoy kahatagan sa gitawag nga Original Proponent Status (OPS), ang samang proposal gikan sa ubang mga interesado nga kompaniya, dili na kuno ma-entertained.

Hinumdoman nga ang SM Prime Holdings Inc. misumiter usab og samang proposal sa niaging tuig pag-modernize sa Carbon Market. Apan, wa may nahitabo tapus niadto.

Sa proposal niini, magtukod ang Megawide og bag-o gayud nga market building, diin lakip sa mo-okupar niini mao ang tanang ambulant vendors nga nag-okupar karon sa mga sidewalk ug kabahin sa kadalanan.

Mosugot kaha ang mga ambulant vendors niini nga isulod na sila sa building, nga mao na may ilang naandan ang pagpaninda sa mga sidewalk, gawas sa merkado? Unya, unsaon man pag-determine kinsa nga vendor ang mahimutang sa duol sa pultahan ug dili adto mabutang sa suok?

Kining maong proyekto nahulog og PPP kon public-private-partnership tungod kay wa may gasto ang city government niini. Ug mao lang kono gihapon ang arkabala o market fees ang kubrahon.

Pagkakaron, ang Carbon Market adunay mga 1,300 ka stall owners, kapin sa 5,000 ka ambulant vendors (kining sigehan og gukod sa mga market authorities), lakip na sa namaligya sa night market.

Gisugyot nga magbutang og “bagsakan center,” diin maoy butangan o hansakan sa mga farm produckts gikan sa lalawigan ug sa mga mountain barangays sa siyudad.

Nindot ni, moabarato na unya ang maong mga abot gikan sa kaumahan tungod kay dili na man kini muagi sa kamut sa mga middlemen o mga komprador. Sa ato pa, mamalit na unya kita sa atong mga utanon, mga prutas, mga lamas ug ubang farm products gikan diretso sa mga mag-uuma.

Unsa na man unyay mahitabo sa SM Prime Holdings nga maoy orihinal nga nag-propose niining nindot kaayo nga proyekto? Maayo unta og madayon kinni sulod sa termino ni Mayor Edgardo Labella.

Ingonman ang plano pagbutang o pagtukod sas Government Center diha sa SRP.

Dugay ra ba ni mahuman kining maong mga proyekto, sama sa city hospital (CCMC). Kinahanglan kasugdan kini sa labing sayo nga panahon.

 Mayor?