Ang video nga akong nakita
MGA LAMAS SA KINABUHI - Fr. Rey Cui (Banat) - February 25, 2020 - 12:00am

Dunay video kun wa ko masayop Chinese ang mga bida. Kalabot kini sa amahan ug anak babaye. Nagsugod kini sa dihang ang amahan gibundakan og pagkaon sa iyang anak babaye.

Ang amahan igo lang nitan-aw sa makadiyot sa iyang anak babaye ug sa way langan ang nikaon lang gihapon sa pagkaon bisan pa man kun kini hinatag nga kontra gusto ngadto kaniya.

Sa dihang nibalik ang anak ngadto sa ilang kan-anan nakita niya ang iyang bana nga nihungit og pagkaon ngadto sa ilang anak ug dinhi nanumbalik sa iyang panumdomnan ang mga higayon nga siya nasakit apan gihungitan siya sa iyang amahan.

Sa mga higayon nga way ayo ug lami ang gikaon sa iyang amahan samtang siya gihatagan og gyud lamian nga pagkaon. Sa mga higayon nga ang iyang amahan samtang nagtrabaho ang dili gyud makalimot og gahin sa iyang gikinahanglan.

Nitibi siya sa dihang ang iyang amahan kay lagi giilisan niya ang pagkaon niini ang nihungit pa gyud kaniya. Butang nga nakapahinumdom kaniya sa iyang nabuhat.

Ingon ana kitang mga tawo. Dili nato usahay makita ang bili sa mga mahal nato sa kinabuhi labina sa mga higayon nga kita nahimong nakasentro lamang sa atong kaugalingon.

Sa mga higayon nga nakasentro lamang kita sa atong kaugalingon ang mahitabo mao nga nahikalimot kita nga duna diay ubang mga tawo nga nahimong kabahin usab sa atong kinabuhi.

Ang mensahe alang sa matag usa kanato mao nga atong tinguhaon nga mahatagan gyud og bili ang matag usa. Di man tuod sila hingpit apan ang ilang presensiya mahinungdanon kaayo alang kanato.

Nagdugang sila paghatag og bulok sa atong kinabuhi nga usahay nahimong las-ay gumikan ra pud sa atong mga binuhatan nga nakapalayo kanato gikan sa uban.

Siguro ko nga ang maong buhat sa amahan sa paghungit sa iyang anak bisan kun kini dako na usa ka ritwal sa paghinumdom nga dinhi sa kinabuhing tawhanon mahinungdanon kaayo ang pag ritualize sa gugma nga gikahinaman sa matag usa kanato.

VIDEO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with