Marcelito pilde sa AGT, daug sa katawhan
Talagsaon ang abilidad nga gihatag sa Ginoo ni Marcelito Pomoy, kinsa matud pa sa usa sa mga judges sa American Got Talent (AGT), ‘lalaki nga may babayeng naa sa ilawom kaniya.’
Kini tungod kay makapakurat tinuoray kon ang usa ka tawo, pareha ni Marcelito, sayonsayonon lang ang pagkanta sa mga awit nga giduhawit sa lalakig babaye. Sama sa kantang: Endless Love, The Prayer, Time To Say Goodbye ug uban pa.
Gani, mga foreign voice coaches mikomentaryo, nga ang iya kunong tingog pareha gayod sa kang Celine Dion ug Andrea Bocelli, ang nagduheto sa ‘The Prayer.’
Daghang YouTube bloggers kinsa way hunong nga nagsunod ni Marcelito sa AGT, miingon sab, nga kondili lang tan-awon kinsay nagkanta, kon tingog lang ang paminawon, si Celine gyod ang mikanta.
Sa laktod, super bilib sila sa nahuptang abilidad ni Marcelito.
Kay unsa man kanang mga talentong magicmagic, exhibition-exhibition, sayawsayaw-ambak-ambak? Nga aduna man kanay mga tricks ug pwede rang matun-an.
Samtang ang kang Marcelito, kinaiyahang gasa gikan sa Kahitas-an nga dili gyod masundog. Gasang talagsaon nga gialimahan.
Busa, gitabangan siya sa Ginoo. Nahimong usa sa grand finalists sa America’s Got Talent Grand Finals 2020. Ug resulta?
Bisag mipakita na ang tulo ka judge, Howie Mandel, Alesha Dixon ug Heidi Klum og paborableng aksiyon ug reaksiyon sa giawit nga ‘The Beauty and The Beast’ ni Marcelito, klaro kaayong mikontra si Simon Cowell.
Matud niya:
“You’re a very nice and talented guy. I gotta tell you. You really, really are. And this was even better than the last performance you did.
Much, much better. However, if it was my choice on a night like this, I would have done something less predictable. The song that was chosen is very safe. I get it. They’re popular songs.
But I just think on tonight If he had done something out of his comfort zone, like a shock to everybody… that could have given you another moment.
Fourth placer ray nakab-ot ni Marcelito sa AGT Grand Finals 2020 tungod sa kagahig kasingkasing ni Cowell.
Apan alang sa katawhan, si Pomoy gayud ang tinuorayng nakadaog sulod sa ilang dughan. Congratulations, Marcelito!
- Latest
